خطيبها الأولاني بعت لي صورها بدون ملابس.. مصطفى يكتشف مفاجأة عن زوجته

مبقتش قادر اعيش معاها وقالت لي أنها غلطة بس بردو مقدرتش أسامحها.. بهذه الكلمات سرد مصطفى مشكلته مع زوجته، وذلك بعد أن قام بتطليقها بعد أن تلقى صورا عارية لها من حساب مجهول على الفيسبوك، أخبره بأنه كان خطيبها قبل الزواج منه وأنها أرسلت إليه صورا عارية بملابس المنزل له.

تحيا مصر

بعد استغاثتها لـ تحيا مصر.. محامي يتولى الدفاع عن آن الترك|فيديو

مرتضى منصور أمام القضاء من جديد بتهمة السب والقذف

البقال عاوز يتجوزني بالعافية.. بطلة فيلم كابوريا تكشف مفاجأة|فيديو

صور عارية ومقاطع مخلة.. قرار عاجل بشأن حبس سلمى الشيمي

زوج يروي مأساة مع طليقته

وقال مصطفى عن مشكلته مع زوجته «أنا عندي 30 سنة، وأتجوزت من سنة ونص بس من بنت أصغر مني بـ 4 سنين، بعد ما رشحتها لي عمتي، وروحت أتقدمت ليها وطلبتها للجواز وأهلها كانوا محترمين جدا وهي بنت مثقفة ومحترمة جدا، وكانت بتشتغل في شركة وقالتلي أنها كانت مخطوبة قبل كدة، وأنا كمان كنت خاطب بنت ومحصلش نصيب».

وتابع مصطفى قائلا «بعدها أتخطبنا أنا والبنت دي، وكنت بروح أقعد معاها في البيت كل يوم جمعة وأتغدى عندهم، وفي كل مرة كنا أحنا الأتنين بنتكلم أكتر وبفهم شخصيتها وبتفهمني، ومن خلال الكلام عرفت أنها مثقفة جدا ومتربية ومحترمة وينفع تكون ست بيت كويسة».

مصطفى: جالي صور ليها من خطيبها الأولاني

واضاف مصطفى في قصته مع طليقته «بدأنا نجهز في العفش وحاجة الجواز وفعلا خلصنا كل الحاجات دي في خلال 8 شهور، وأتفقت مع أهلها على الجواز، وحددنا ميعاد الفرح وفعلا أتجوزنا، وكانت ست بيت شاطرة وزوجة مطيعة ومحترمة جدا ده غير أنها كانت بتتكسف كمان».

وأكمل مصطفى «عشت سنة فعلا من أهم سنين حياتي وأجملها معاها، هي فعلا كانت بتحبني ولسه بتحبني لحد دلوقتي لدرجة أنها واقفة قدام أهلها عشان عايزين ياخدوا كل حاجة وهي رافضة ده، اللي حصل بعد حوالي سنة وشهرين من الجواز أني حساب مجهول على الفيسبوك بعت لي رسائل غريبة».

مصطفى: أنفصلنا أنا وهي بس لسه عايزاها

لقيت حد بعت لي صور لـ مراتي وهي بهدوم بيت وصور وهي عارية، وكتب لي رسالة دي مراتك لما كنت أنا خطيبها وعشان هي باعتني أنا قولت أعرفك اللي أنت عايش معاها دي تبقى مين، طلقها وأنا هرجعلها.. وأستكمل مصطفى حديثه قائلا «قعدت معاها وأعترفت أنها كانت غلطة مع خطيبها، وأنها كانت خايفة من ده بس كانت متأكدة أنه مش هيعمل كدة، وحاولنا نكمل العلاقة مع بعض، لكن للأسف حصل طلاق من غير ما حد من الأسرتين يعرف حاجة، ودلوقتي بيني وبين أسرتها مشاكل كتير».