ريم طارق: لقيت بنات بتتصور بلبسي.. وحسن شاكوش كان لابس البيجامة بتاعتي في الفيديو اللي نزله

كشفت ريم طارق، طليقة مؤدي المهرجانات حسن شاكوش، عن مفاجآت جديدة تخص أزمتها مع طليقها، التي أثيرت منذ أيام.

تحيا مصر يرصد تفاصيل تصريحات ريم طارق

تصريحات ريم طارق اليوم

وقالت ريم طارق خلال لقاء لها ببرنامج 90 دقيقة مع الإعلامية بسمة وهبة: حسن شاكوش كان عايز يوقعني في الغلط.. كنت بلاقي بنات بتلبس قمصان النوم بتاعتي اللي في أوضة نومي ويتصوروا بيها وحاجتي اللي اتلبست ملقتهاش.

وتابعت: طلبت من حسن شاكوش 600 ألف جنيه حقي قال لا هما 400 ألف بس ووافقت، ولغاية دلوقتي مدفعهمش، وكان لابس البيجامة بتاعتي في الفيديو اللي نزله، وهاخد حقي قانوني.

ريم طارق: كل اللي حصل كان لعبة وفيلم

وسبق وأن كشفت ريم طارق، طليقة حسن شاكوش، أنه تم إجبارها على تسجيل مقطع فيديو تعلن فيه الصلح مع طليقها من أجل الحصول على أغراضها في منزل الزوجية.

وقالت ريم طارق في مقطع فيديو عبر خاصية استوري: كان إجباري عليا أعمل الفيديو قصاد أني أخد حاجتي، وفعلا عملت الفيديو عشان أخد حاجتي، وبعد ما أخدتها الفيديو نزل، والمفروض مكانش ينزل الا بعد ما المشكلة تخلص.

وتابعت: بس هرجع وأقول مفيش صلح حصل، وكل اللي حصل كان فيلم ولعبة عليا عشان السوشيال ميديا والإعلاميين يهاجموني، رضوى أنتي متعرفيش أنا اتعرضت لأيه عشان أعمل الفيديو دا، وكل حاجة اتكلمت فيها قبل كدا كانت بدليل، وكل حاجة معايا، وأنا قولت أن الصلح خير لكن واضح أن الطرف التاني مش حابب دا.

تصريحات رضوى الشربيني عن طليقة حسن شاكوش

وعلى صعيد أخر، خرجت الإعلامية رضوى الشربيني لتلقن ريم طارق، طليقة مطرب المهرجانات الشعبية حسن شاكوش، درسًا قاسيًا، وذلك بعد فيديو اعتذارها لطليقها والذي نشره الاخير عبر حسابه الرسمي بموقع التواصل الاجتماعي فيسبوك.

وبدأت رضوى الشربيني حديثها بعرض اعتذار ريم طارق لحسن شاكوش، مستعينة بتصريحاتها السابقة عن طليقها والتي أشارت فيها بأنه عرضها للأذى وشهر بها وأساء لسمعها، فضلا عن خيانته لها في نهار رمضان مع ممثلة شهيرة.

وتابعت حديثها موجهة اعتذارها لحسن شاكوش، فقالت أنا أسفة على كل الضجة اللي حصلتلك بس احنا كنا متعاطفين معاها عشان ست وبتعترض لأذى في شرفها وسمعتها.