ربنا نجاني.. شريف خير الله يتعرض لحادث سير على طريق الدائري

أعلن الفنان شريف خير الله نجاته من حادث سير تعرض له على الطريق الدائري، مشيرا إلى أنه كان بينه وبين الموت متر واحد فقط.

تحيا مصر يرصد في ذلك التقرير نجاة شريف خير الله من حادث سير

شريف خير الله يعلن تعرضه لحادث سير

وكتب شريف خير الله عبر حسابه الرسمي بموقع التواصل الاجتماعي فيسبوك: الحمد لله ربنا كريم، نجاني من حادث سير على طريق المحور، فجأة عربية لفت حوالين نفسها وكان بيني وبينها أقل من متر.

شريف خير الله وبدايته الفنية

يذكر، أنه سبق وتحدث شريف خير الله عن بدايته الفنية، فقال في تصريحات تليفزيونية:  "نور الشريف رشحني لفليم الطيب والشرس والجميلة في عام 1993، وقتها المخرج مدحت السباعي قالي هنعمل تعديلات في السيناريو وهبعتلك وبعدها محدش بعتلي حاجه، والفيلم بدأ تصويره فقولت خلاص يبقى حد تاني خد الدور مكاني".

وأضاف شريف: "بعدها بـ 10 ايام كلمني أستاذ عبدالرؤوف وقالي هتروح مدينة السينما علشان هتصور الفيلم، قولت له بس أنا مخدتش السيناريو علشان أجي أمثل، قالي هات بدلتين وتعال علشان تعمل الدور.. رديت عليه بعصبية يعني ايه أجيب بدلتين وأجي أمثل هو أنا قاعد على الرصيف".

شريف خير الله: نور الشريف زعل مني لهذا السبب

واختتم شريف خير الله، : "وقتها افتكرت أن الحكاية دي معمولة من ورا نور الشريف، لأن هو ممثل أكاديمي وعارف يعني إيه أدوات الممثل، ومرضيتش أروح وبعدها عرفت أن نور الشريف زعل مني وبعد فترة حكيت له اللي حصل وهو كان مصر على الدور أن أنا اللي أعمله وهو كان مخبي الدور علشان المخرج كان عاوز حد مكاني لحد ما جه الوقت المناسب علشان يبعتلي".