كل اللي حصل كان فيلم ولعبة.. ريم طارق توضح حقيقة تصالحها مع حسن شاكوش

كشفت ريم طارق، طليقة حسن شاكوش، أنه تم إجبارها على تسجيل مقطع فيديو تعلن فيه الصلح مع طليقها من أجل الحصول على أغراضها في منزل الزوجية.

تحيا مصر يرصد تفاصيل أحدث منشورات ريم طارق عبر إنستجرام

ريم طارق: كل اللي حصل كان لعبة وفيلم

وقالت ريم طارق في مقطع فيديو عبر خاصية استوري: كان إجباري عليا أعمل الفيديو قصاد أني أخد حاجتي، وفعلا عملت الفيديو عشان أخد حاجتي، وبعد ما أخدتها الفيديو نزل، والمفروض مكانش ينزل الا بعد ما المشكلة تخلص.

وتابعت: بس هرجع وأقول مفيش صلح حصل، وكل اللي حصل كان فيلم ولعبة عليا عشان السوشيال ميديا والإعلاميين يهاجموني، رضوى أنتي متعرفيش أنا اتعرضت لأيه عشان أعمل الفيديو دا، وكل حاجة اتكلمت فيها قبل كدا كانت بدليل، وكل حاجة معايا، وأنا قولت أن الصلح خير لكن واضح أن الطرف التاني مش حابب دا.

فيديو ريم طارق

وسبق وأن أعلنت الفنانة ريم طارق، طليقة الفنان حسن شاكوش عن انتهاء أزمتها مع مطرب المهرجانات الشهير، مشيرة إلى أنها حصلت على جميع حقوقها الشرعية وما حدث بينها وبين طليقها سوء تفاهم.

وقالت ريم طارق في فيديو لـ قناة هي: الحمدلله  اخدت كل حقوقي الشرعية من حسن، والحمدلله اني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف،  وأي حد سيرته جت في الموضوع سواء من أهله او من اهلي او مامته ف حقهم على راسي وكل شئ قسمة ونصيب.

حسن شاكوش لـ رضوى الشربيني: مش زعلان منك

وعلى صعيد أخر، خرجت الإعلامية رضوى الشربيني لتلقن ريم طارق، طليقة مطرب المهرجانات الشعبية حسن شاكوش، درسًا قاسيًا، وذلك بعد فيديو اعتذارها لطليقها والذي نشره الاخير عبر حسابه الرسمي بموقع التواصل الاجتماعي فيسبوك.

وبدأت رضوى الشربيني حديثها بعرض اعتذار ريم طارق لحسن شاكوش، مستعينة بتصريحاتها السابقة عن طليقها والتي أشارت فيها بأنه عرضها للأذى وشهر بها وأساء لسمعها، فضلا عن خيانته لها في نهار رمضان مع ممثلة شهيرة.

وتابعت حديثها موجهة اعتذارها لحسن شاكوش، فقالت أنا أسفة على كل الضجة اللي حصلتلك بس احنا كنا متعاطفين معاها عشان ست وبتعترض لأذى في شرفها وسمعتها.