بعد اعتذارها له.. حسن شاكوش لـ رضوى الشربيني: مش زعلان منك

حرص مطرب المهرجانات حسن شاكوش الرد على اعتذار الإعلامية رضوى الشربيني له بسبب تعليقها على أزمة طلاقه، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات حسن شاكوش عبر إنستجرام

حسن شاكوش لـ رضوى الشربيني: مش زعلان منك

وكتب حسن شاكوش: أنا على المستوى الشخصي بحبك ومش زعلان منك طبعا بس عايز أقول لحضرتك ملحوظة.. أني مصدرش مني أني اتكلمت عنها او جرحت فيها في فيديو أو منشور.

وتابع: ومردتش على أي تجريح أو تشويه لسمعتي وأي كلام اتقال عليا سببلي تعب نفسي وصحي، وحصل خير بس اللي كنت حابب اوصله ليكي وللناس أن محدش يحكم على حاجه سمعها من خلال طرف واحد والحمدلله أن الحقيقة ظهرت.

تصريحات رضوى الشربيني عن طليقة حسن شاكوش

وسبق وأن خرجت الإعلامية رضوى الشربيني لتلقن ريم طارق، طليقة مطرب المهرجانات الشعبية حسن شاكوش، درسًا قاسيًا، وذلك بعد فيديو اعتذارها لطليقها والذي نشره الاخير عبر حسابه الرسمي بموقع التواصل الاجتماعي فيسبوك.

وبدأت رضوى الشربيني حديثها بعرض اعتذار ريم طارق لحسن شاكوش، مستعينة بتصريحاتها السابقة عن طليقها والتي أشارت فيها بأنه عرضها للأذى وشهر بها وأساء لسمعها، فضلا عن خيانته لها في نهار رمضان مع ممثلة شهيرة.

وتابعت حديثها موجهة اعتذارها لحسن شاكوش، فقالت أنا أسفة على كل الضجة اللي حصلتلك بس احنا كنا متعاطفين معاها عشان ست وبتعترض لأذى في شرفها وسمعتها.

حسن شاكوش لـ ريم طارق: مش تربيتي إني أشهر ببنات الناس

وعلى صعيد أخر، خرج مطرب المهرجانات الشعبية حسن شاكوش للرد على اعتذار طليقته ريم طارق له، وذلك بعدما قدم لها جميع حقوقها الشرعية وانتهت الأزمة التي شهدها رواد السوشيال ميديا بينهم.

وفي أول تعليق لـ حسن شاكوش على تصريحات ريم طارق بإنتهاء الأزمة، قال مطرب المهرجانات: أنا اولا بشكرك يا ريم علي كلمه الحق اللي قولتيها في حقي  دلوقتي  وذكرتي انك مشوفتيش مني غير الخير.  وقابل اعتذارك علي ماصدر منك وانا مكنش ليا اي رد فعل قدام الناس ومش من  تربيتي اني اشهر ببنات الناس حتى لو رد علي كلام يجرحني  او  اساءه ليا مع ان ده كان مقصر عليا نفسيا  وعلي اهلي وكل الي حوليا.