نيللي كريم: هعمل مسلسل كوميدي رمضان الجاي.. ومعنديش معلومة عن الفيل الأزرق 3

كشفت النجمة نيللي كريم عن تفاصيل مسلسلها الجديد، المقرر عرضه في شهر رمضان المقبل 2024، وذلك  خلال لقاء لها ببرنامج الراديو بيضحك مع الإعلامية فاطمة مصطفى.

تحيا مصر يرصد تفاصيل تصريحات نيللي كريم في الراديو بيضحك

أعمال نيللي كريم الجديدة

وقالت نيللي كريم: بقالي فترة عايزة اريح عشان تعبت، لأن كل رمضان بدخل اشتغل، السنة اللي جاية هعمل حاجة مختلفة بس هو مسلسل كوميدي، فأحب افرح الناس.

وتابعت: لأني تعبت من الدراما التقيلة، تعبتني نفسيا وزهقت، وعايزة ادخل في مرحلة مختلفة، وعايزة اركز في السينما، لأني مقصرة فيها.

وعن أعمالها الجديدة في السينما قالت: بحضر لفيلمين برشامة وأناناسة، وأنا سمعت عن الفيل الأزرق 3 بس معنديش معلومة عن جدية الموضوع، وكريم عبد العزيز حبيبي ودايما بنتقابل في الإعلانات بس.

نيللي كريم ومحمد رمضان في فيلم ع الزيرو

يذكر، أنه تعاونت نيللي كريم مع الفنان محمد رمضان في فيلم ع الزيرو، والذي يعرض في السينمات المصرية خلال الفترة الحالية، والذي يرصد معاناة أب فقير بعد مرض ابنه ومحاولة إنقاذ حياته، ولكن تتطور الأحداث ويصبح من الأغنياء، وشارك في بطولة الفيلم كل من خالد الصاوي، إسلام إبراهيم، شريف دسوقي، الطفل منذر مهران، راشد محمد وعدد آخر من الفنانين، من إخراج ماندو العدل.

ويخوض بطولة فيلم ع الزيرو إلى جانب الفنان محمد رمضان والفنانة نيللي كريم، كل من النجوم: چومانا مراد، خالد الصاوي، محمد لطفي, شريف دسوقي، إسلام ابراهيم، تأليف د. مدحت العدل وإخراج محمد العدل ومن إنتاج جمال العدل وأحمد العدل واستوديوهات ڤوكس.

تصريحات هشام عاشور عن نيللي كريم

وسبق وأن علق الفنان هشام عاشور على الانتقادات التي طالته بعد مشاركته في مسلسل عملة نادرة مع زوجته النجمة نيللي كريم، وذلك خلال لقاء له ببرنامج الراديو بيضحك مع الإعلامية فاطمة مصطفى.

وقال هشام عاشور: الجوازة دي ضراني جامد، أنا راجل بطل، لمدة حاجة وعشرين سنة بتمرن 7 ساعات في اليوم، وبزحف على التراب عشان أوصل لحتة معينة.. ودلوقتي ناس كتيرة أوي غصب عنها بسبب السوشيال ميديا محدش بيستثمر في نقسه وعمال يبص على جنبه.