بإطلالات مبهجة.. ميرنا وليد وإيمي طلعت زكريا يخطفان الأنظار في مهرجان همسة

خطفت كلا من الفنانة ميرنا وليد والفنانة إيمي طلعت زكريا الأنظار لهما خلال مشاركتهما في مهرجان همسة الدولة، حيث تألقت الأولى بفستان باللون الأخضر والأخيرة بفستان باللون الأصفر.

تحيا مصر يرصد مشاركة إيمي طلعت زكريا وميرنا وليد في مهرجان همسة.

إيمي طلعت زكريا ضيفة برنامج فيس أوف

من جانبه، قالت إيمي طلعت زكريا خلال برنامج فيس أوف: بابا كان راجل شرقي جدا في مواعيد معينة في البيت مفيش بيات برا مفيش اطلع رحلة مع صحابي بس في نفس الوقت صاحبي جدا وكنت بحكيله عن علاقاتي او حد جاي يتقدملي وكان قريب مني جدا انا واخويا.

وتابعت: بابا كان بيعتز جدا بشنبه وكان بيعتذر عن الأعمال بسببه، كان جايله دور في مسلسل أم كلثوم واعتذر عنه بسبب ان الشخصية كانت من غير شنب".

تصريحات إيمي طلعت زكريا 

وأضافت: "ولما راح اتعالج في فرنسا بسبب الفيروس كان في غيبوبة ولما فاق لقاهم حلقوا شنبه نفسيته تعبت أكتر من ما تعب في المرض وقعد فترة متأثر جدا لحد ماشنبه طلع تاني".

واستكملت: "للأسف طلعت زكريا اتكرم مرة واحدة بس بعد وفاته وكان في مسقط رأسه في اسكندرية في مهرجان بلا انتاج بحضور أشرف ذكي ومجموعة من الفنانين، تكريم الفنانين بيحسبوها بحسابات تانية انا معرفهاش بصراحة ومقدرش اتكلم فيها وانا بشوف ان تكريم طلعت زكريا من حب الناس ليه ومن بوست انا بكتبه الناس تكتب الله يرحمه ولما يشوفونا في الشارع انا واخويا يقولولنا كان راجل طيب وهو دا التكريم الحقيقي اللي انا بستناه". 

إيمي طلعت زكريا تتحدث عن والدها

واختتمت إيمي طلعت زكريا حديثها قائلة: محمد السبكي وأحمد السبكي كان من الناس اللي حطوا طلعت زكريا على اول الطريق بسبب فيلم حاحا وتفاحة، ولكن في فيلم الفيل في المنديل كان بعد الثورة وبابا كان له تصريحات معجبتش بعض الناس فكان في تهديدات للسينمات وابتدا يبقى في تهديدات للسبكي ان لو الفيلم دا نزل احنا هنولع في السينمات فطبيعي المنتج خاف على نفسه وباعه برا، والسبكي تميمة حظ لأي حد يشتغل معاهم".