أنغام: كنت عايزة اصحي أختي وأنا بغسلها وعمي مات مدمن

حلت الفنانة أنغام ضيفة على برنامج Abtalks الذي يقدمه الإعلامي أنس بوخش عبر موقع الفيديوهات الشهير يوتيوب.

تحيا مصر يرصد تصريحات أنغام عن شقيقتها وعمها الراحلين. 

تصريحات أنغام عن شقيقتها وعمها الراحلين

وقالت أنغام خلال اللقاء مع أنس بوخش: فراق عمي كان صعب، لأنه مات صغير عنده 35 سنة، وكنت عارفة إن نهاية حياته موت محتوم، ووقت وفاته في التسعينيات، مكانش في وعي كافي باستيعاب شاب مدمن، وكانوا بيتعاملوا معاه بقسوة، مش كمريض محتاج مساعدة كبيرة وطويلة، وهو كان بيطلب المساعدة وبيحاول يخف.

تفاصيل وفاة غنوة شقيقة أنغام 

وعن وفاة شقيقتها غنوة، أوضحت: مش بحب الفراق وبخاف منه جدًا.. وأهم شيء في العلاقة أن البني آدم يكون حقيقي، وأصعب لحظة مرت عليا على الإطلاق هي وفاة أختي غنوة، رغم إن علاقتنا كانت مش كويسة.

وأضافت: مش بحب أدافع عن نفسي، ومش بحب اتكلم عن حد مش موجود، بس اللي أقدر أقوله بمنتهى الأمانة، عمري ما كنت سبب إني غنوة تزعل مني، أو يحصل بينا المشكلة".

وعن الخلاف بينهما أشارت أنغام: "دي كانت بنتي مش أختي، الفرق بينا أكثر من 16 سنة، لو عمرها طال شوية كان ممكن الأمور تتغير، وممكن كانت عذرتني ولكن ربنا أراد كدا، هي معرفتش تعذرني وهي كمان معذورة الله يرحمها، لأنها ملقتش اللي يحنن قلبها".

أنغام توجه رسالة لشقيقتها غنوة

كما وجهت المطربة المصرية أنغام رسالة إلى شقيقتها غنوة، قائلة: "وحشتيني جدا، وحشتني غنوة بنتي الصغيرة، مش غنوة اللي كانت زعلانة وغضبانة، وحشتني البنوتة اللي كنت بسرح ليها شعرها وأخدها في حضني، وأقولها إن ياسين أحلى حاجة انت سبتيها ليا في الدنيا، ولد جميل وزكي وشاطر، وحبوب جدا".