إيمي طلعت زكريا: محدش دعاني لحضور العرض الخاص لفيلم أولاد حريم كريم بس هم حرين

كشفت الفنانة الشابة إيمي طلعت زكريا ابنة الفنان الراحل طلعت زكريا عن عدم تقديم لها دعوة من صناع فيلم أولاد حريم كريم لحضور العرض الخاص به.

تحيا مصر يرصد عدم دعوة إيمي طلعت زكريا لحضور العرض الخاص لفيلم أولاد حريم كريم.

إيمي طلعت زكريا تعلق على العرض الخاص لفيلم أولاد حريم كريم

وقالت إيمي طلعت زكريا في تصريح خاص لموقع تحيا مصر: محدش دعاني على العرض الخاص للفيلم ومش هجبرهم يعملوا دا هم حرين بس أنا برضو بتمنالهم النجاح وبتمنالهم ربنا يكرمهم والفيلم يجيب إيرادات جامدة جدًا.

تصريحات إيمي طلعت زكريا ببرنامج فيس أوف

من جانبه، قالت إيمي طلعت زكريا خلال برنامج فيس أوف: بابا كان راجل شرقي جدا في مواعيد معينة في البيت مفيش بيات برا مفيش اطلع رحلة مع صحابي بس في نفس الوقت صاحبي جدا وكنت بحكيله عن علاقاتي او حد جاي يتقدملي وكان قريب مني جدا انا واخويا.

إيمي طلعت زكريا تتحدث عن شنب والدها

وتابعت: بابا كان بيعتز جدا بشنبه وكان بيعتذر عن الأعمال بسببه، كان جايله دور في مسلسل أم كلثوم واعتذر عنه بسبب ان الشخصية كانت من غير شنب".

وأضافت: "ولما راح اتعالج في فرنسا بسبب الفيروس كان في غيبوبة ولما فاق لقاهم حلقوا شنبه نفسيته تعبت أكتر من ما تعب في المرض وقعد فترة متأثر جدا لحد ماشنبه طلع تاني".

واستطردت: "للأسف طلعت زكريا اتكرم مرة واحدة بس بعد وفاته وكان في مسقط رأسه في اسكندرية في مهرجان بلا انتاج بحضور أشرف ذكي ومجموعة من الفنانين، تكريم الفنانين بيحسبوها بحسابات تانية انا معرفهاش بصراحة ومقدرش اتكلم فيها وانا بشوف ان تكريم طلعت زكريا من حب الناس ليه ومن بوست انا بكتبه الناس تكتب الله يرحمه ولما يشوفونا في الشارع انا واخويا يقولولنا كان راجل طيب وهو دا التكريم الحقيقي اللي انا بستناه".