حمو بيكا: أسعار الساحل الشمالي مش غالية وبدفع 2000 جنيه في اليوم بس للغرفة

تحدث مطرب المهرجانات الشعبية عن الأسعار المتداولة لـ الساحل الشمالي، مشيرا إلى أن تلك الأسعار لا أساس لها من الصحة وغرضها تشويه صورة مصر والعلمين الجديدة وأن الأسعار في متناول الجميع.

تحيا مصر يرصد في ذلك التقرير تصريحات حمو بيكا عن الساحل الشمالي

حمو بيكا عن أسعار الساحل الشمالي: لو معاك 500 جنيه هتقدر تتفسح بيهم

وقال حمو بيكا خلال لقائه مع بسمة وهبة ببرنامج 90 دقيقة: بلدنا في حتة تانية وبشكر الرئيس عبد الفتاح السيسي على الانجازات اللي هو عملها.. أنا بعشقه، مدينة العلمين جميلة وأما بحب أصيف باجي فيها وهيجلها سياح من جميع العالم وهتبقى منطقة سكنية وأنا عندي هنا مكان في العلمين.

وتابع حمو بيكا عن أسعار الساحل الشمالي: الناس بتقول أرقام وكلام مش حقيقي دي ناس بتصدر صورة وحشة للمكان.. انت لو معاك 500 جنيه هتاكل وتشرب وتتفسح بيهم كمان ومعرفش اي الساحل الشرير ده مش فاهمينه.. الناس فاكرة انها هتيجي العلمين هتدفع ملايين أنا قاعد هنا بقالي شهرين في غرفة واخدها بـ 2000 جنيه في اليوم بس.

حمو بيكا: في ناس بتسيء لصورة مصر ولازم يطبق عليهم قانون ويتحاسبوا

وتابع حمو بيكا حديثه:  في ناس بتسيء لصورة مصر بطريقة وحشة، أنا بنزل كل الدول، ومش بنسمع حد بيقول حاجة على بلده عشان في قانون، والقانون ده لازم يتطبق على الناس اللي ملهاش أي عازة وبتسيء لمصر، لازم اللي يتكلم عن مصر يتحاسب قدام العالم، عشان محدش  يقول حاجة على مصر بعد كدة.

استدعاء عمر كمال وحمو بيكا للتحقيق

وكان الفنان مصطفى كامل قد أعلن عن إحالة عمر كمال وحمو بيكا للتحقيق، حيث عبر حسابه الرسمي بموقع التواصل الاجتماعي فيسبوك: إستجابة لما شاهدته وما أذاعاه الزملاء الإعلامي أ / أحمد عبد العزيز و الإعلامي أ / محمد موسي قررت تكليف الدكتور / محمد عبدالله رئيس لجنة التحقيقات وفض المنازعات بإبلاغ الشئون القانونيه لإستدعاء عمر كمال وحمو بيكا للتحقيق فوراً.

ويأتي ذلك بعد مطالبات عدد كبير من الجمهور بمحاسبتهم بسبب أغنية “انتي معفنة”، والتي اعتبرها العديد منهم إهانة للسيدات بشكل عام، مستعنين بموقف نقيب الموسيقيين مع أحمد سعد بسبب إهانتت لسيدات تونس بعد لفظ “اسكتي انتي”.