بتهاجموها عشان معندكوش شجاعتها.. أول تعليق من ابنة أسما شريف منير على جدل حلاقة شعرها

خرجت ابنة الإعلامية أسما شريف منير للدفاع عن والدتها، وذلك بعد الجدل الذي أثير حولها بسبب حلاقة شعرها أمام الجمهور “زيرو”، الأمر الذي عرضها لهجوم وانتقادات وسخرية شديدة.

تحيا مصر يرصد في ذلك التقرير أول تعليق من أسما شريف منير عن والدتها

ابنة أسما شريف منير: كل اللي هاجم والدتي يحتاج نمو عقلي وهي مبتأذيش حد

وكتبت لارا ابنة أسما شريف منير عبر حسابها الرسمي بموقع تبادل الصور والفيديوهات انستجرام، مرفقة صورة والدتها بالشكل الجديد، وقالت: كل اللي هاجم والدتي  على انستجرام أو تويتر أوي اي منصة يحتاج إلى نمو عقلي، أمي مبتأذيش حد ومأخطأتش ومحدش طلب منكم تعليق، والدتي ناضجة بقدر كافي انها تاخد القرار اللي عيزاها ده جسمها وهي حرة فيه.

وتابعت: شريف منير موافق على شكلها الجديد وبيحبه وهو أب وجد عظيم وأعتقد إنه شجاع جدا في رده وهجومكم الوحيد على أمي لأنكم معندكوش شجاعتها وأنا فخورة دايما بيها لأنها أم رائعة.

أسما شريف منير عن حلاقة شعرها: قرار لحظي وانفعالي

وكانت قد تحدثت أسما شريف منير عن سبب قيامها بـ حلاقة شعرها، فقالت: طيب اول حاجة شكراً علي كل ردود الفعل، الوحشة و الحلوة كلها، ساعات موقف زي دي بتخلي ناس تشوف ناس تانية عاملين ازاي مجرد انهم بيعبروا عن رأيهم، و شكراً لكل الناس اللي كانت خايفة و قلقانه عليا، ممكن بقي اقولكم الحكاية من وجهة نظري ببساطة، اولاً الحكاية جت بالصدفة جداً و كان قرار لحظي و انفعالي جداً و مش ندمانه عليه، تاني حاجة انا مش بعمل كده عشان اطلع ترند بس كنت عارفة اني هبقي ترند، في فرق كبير بين عايزه و عارفة.

حقيقة إصابة أسما شريف منير بإكتئاب

وكشفت أسما شريف منير حقيقة إصابتها بـ اكتئاب، فقالت: انا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس، دي صفحة جديدة حلوة مليانه تفاؤل و قوة و ارادة و تحدي و جرأة و شجاعة و كل حاجة ايجابية في الكون، انا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها و بقف علي رجلي من الاول و كان اخرها رحلة دهب، فا تاني بالعكس ده مش اكتئاب ده مرحلة انتقاليه مؤمنه اني هحقق فيها حاجات كتير.