انجي المقدم عن تجميد البويضات: معاها طبعا ودي حاجة مش بتخالف الشرع أو الدين

كشفت الفنانة إنجي المقدم عن رأيها في تجميد البويضات وذلك خلال لقائها ببرنامج gossips، مشيرة إلى أنها تؤيد تلك الفكرة خاصة وأنها لا تخالف الشرع او الدين فلماذا لا تستفيد منها.

تحيا مصر يرصد في ذلك التقرير تصريحات إنجي المقدم عن تجميد البويضات

إنجي المقدم وتجميد البويضات

وقالت إنجي المقدم عن تجميد البويضات: مع طبعا، ليه لأ العلم وصلنا حاجة حلوة متطورة مفيهاش حاجة بتخالف اي شرع او دين وفرصة لاي  حد مقدرش يتجوز لحد معدا سن انه يقدر يخلف و بعد كدة ربنا كرمه و اتجوز يستخدم البويضات و يخلف... دي غريزة كل ام بتتمناها و العلم وفرها فا ليه لأ.

ولك تكن إنجي المقدم الفنانة الوحيدة التي شجعت على تجميد البويضات، فقبلها كانت فيفي عبده والتي قالت: نصيحة لكل البنات ولكل الستات، العمر بيعدي بسرعة بينا، وتجميد البويضات دي أحسن طريقة للحفاظ على إمكانية الإنجاب مرة أخرى في المستقبل، فتحوا البوست ده فيه كل المعلومات مع الدكتور شريف باشا سيف ومركز صن رايز.

إنجي المقدم وتعرضها للتحرش

وسبق وأثارت إنجي المقدم بـ حديثها عن تعرضها للتحرش في سن صغير ومعاناتها مع هذه الأزمة النفسية وقالت: تجربة التحرش في 16 سنة أثرت جوايا وعندنا حاجات في العقل الباطن وبتتخزن وبنعمل نفسنا مش واخدين بالنا بس بتطلع في أوقات وتتصرفي تصرفات غريبة،  ده اثر عليا بس انا بشتغل على ده وبتصالح مع نفسي عشان اقدر اعيش، وقولت لأهلي لما حصلي تحرش وكانت صدمة كبيرة بس أهلي كانوا في ضهري بس الشغل على الأثر النفسي مشتغلناش عليه بس الجيل واهلنا مكنش عندهم الوعي، كان في موقف من أهلي بس الموقف عدى ومفيش حد اشتغل على الأثر النفسي ومؤخرا بتعامل معاه.

أخر أعمال إنجي المقدم

أخر أعمالها في الدراما فكان من خلال مسلسل “راجعين يا هوى” الذي تم طرحه على شاشات التلفزيون في السباق الرمضاني الماضي، وكانت تدور أحداثه حول بعد تراكم ديون طائلة عليه في أوروبا، يعود بليغ إلى موطنه بغية استعادة حقه في الميراث، ولكن سرعان ما تتحول مهمته إلى مسعى للإصلاح ما بين أفراد عائلته، وخاض بطولة المسلسل كل من النجوم خالد النبوى، نور، هنا شيحة، أنوشكا، وفاء عامر، أحمد بدير، إسلام إبراهيم، طارق عبد العزيز، سلمى أبو ضيف، مصطفى درويش، اسلام جمال، شريف حافظ، اية سماحة، سلوى محمد على، تميم عبده، عمرو مهدى، نور النبوى، جلا هشام، وحقق نجاحات ساحقة خلال فترة عرضه.