سارة نخلة عن دعم شريف منير لابنته عبر السوشيال ميديا: مفيش واتساب!

كشفت الفنانة ومقدمة البرامج سارة نخلة عن رأيها في حلق أسما شريف منير شعرها ورد فعل والدها الفنان شريف منير وذلك خلال برنامجها فيس أوف والذي تقدمه خلال شاشة قناة هي.

تحيا مصر يرصد تعليق سارة نخلة على حلق أسما شريف منير لشعرها. 

تعليق سارة نخلة على حلق أسما شريف منير لشعرها

وقالت سارة نخلة: "اللي ظهر في فيديو حلاقة الشعر ان اسما تعاني من قلق واضطراب ومفيش توازن، ولما قريت عنها هي كانت ايه لقيت انها كانت ماكييرة وبعدها اتجوزت واتطلقت وبعدها اتجوزت من ممثل شاب واتطلقت تاني ودا شئ يحترم لانها بتحاول".

سارة نخلة تستنكر رد فعل شريف منير

وتابعت على رد الفنان شريف منير: "مستغربة هو مفيش بينهم واتساب؟ او مبيتقابلوش مثلا، ليه الدعم النفسي على السوشيال ميديا، واحنا لازم نبقى متفقين ان اسما فعلا تعاني من نقص في الدعم النفسي ودي شغلانة الدكتور النفسي ودا مش عيب".

تصريحات سارة نخلة

وأضافت: "لو كانت اسما راحت المهرجان بقصة شعرها عادي دا بيحصل في أرقى مهرجانات العالم كتغيير ونيو لوك لكن قبلها تعملي الفيديو دا عشان المشاهدة واللايكات وباباكي يطلع يقول خدتي التريند ومترديش كان الأولى تعملوا قعدة بين حضرتك واسما وتدعمها بينك وبينها عشان اكيد في حاجة ناقصة خلت اسما تعمل دا وهي ام لبنوته وانا اللي بزعل عليه في النهاية هما الأطفال".

وكان قال شريف منير خلال فيديو نشره عبر حسابه على موقع تبادل الصور والفيديوهات القصيرة إنستجرام: مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها.