في شللية في الوسط الفني وعائلة السبكي نسيوني.. أبرز تصريحات رضا حامد

حل الفنان رضا حامد ضيف على برنامج برنامج المنسي والمذاع على قناة هي، وتقدمه الإعلامية إنجي هشام وصرحت خلاله عدد من التصريحات بشأن غيابه عن الوسط الفني، والشللية التي ينشرها الفن.

تحيا مصر يرصد في ذلك التقرير تصريحات رضا حامد في برنامج المنسي

رضا حامد :محمد رضوان وبيومي فؤاد مبيضحكوش والوحيد اللي ضحكني سمير غانم

كشف الفنان رضا حامد عن الممثل الذي من الممكن أن يوجه له نصيحة فنية من بين النجم محمد سعد وأحمد ادم وأحمد مكي  قائلا :'' متخيلة اني لو اديت نصيحة لواحد فيهم هيسمعها ؟ ، بس ممكن أوجه نصيحة لاحمد ادم لاني في بيني وبينه عمار ممكن اقولوا على حاجات مكنش كويس فيها ميعملهاش ، اللي ينفع اكلمه هو أحمد أدم.

وعند سؤاله عن الفنان الذي يضحكه من بين الفنان محمد رضوان وبيومي فؤاد ومحمد ثرو، فقال: امتنع عن هذا السؤال، مفيش حد بيضحكني غير سمير غانم.

رضا حامد : النقابة لها دور في تشغيل الفنانين .. والسبكية نسيوني

وتطرق رضا حامدرضا حامد عن قلة الفرص في الوسط الفني مشيرا إلي أنه يسعى للتواصل مع النقابة بشأن العمل مجددا: مقدرش اقول اني متواصلتش من النقابة تواصلت بس مع اللي ممكن يحس ويفهم مين رضا حامد يعني امبارح بالتحديد لسه مكلم دكتور أشرف زكي قالي اهلا يا استاذي أنا درست لاشرف، قلتلو أنا جراند سهل جدا اشتغل قالي أنا كمان بقيت جراند قلتلوا لا أنا جراند كبير انت جراند صغير، ده اللي ممكن اكلموا بصفتو النقيب بتاعنا وإني كنت أستاذه لكن مينفعش بقي اكلم كل واحد.

وعن محاولاته للتعاون مع عائلة السبكي: تواصلت مع السبكية لكن محمد مش موجود هنا دا اللي اشتغلت معاه كتير ، وأحمد اشتغلت معاه فيلم واحد كان هائل وكان مبسوط جدا مني وفجاة مع كتر الأعمال اللي بيعملوها نسيو رضا حامد رغم أنه كان مبهور بيا.

رضا حامد: لازم النقابة توفر شغل للفنانين

وأضاف رضا حامد خلال لقائه: أهم شغلانه للنقابة أنهم يوفروا شغل، في فنانين بتعمل ٨ و٩ مسلسلات وفيه فنانين بنفس المستوى مش شغالة طب ليه، النقابة لها دور واللي يقول غير كده جاحد ومعندوش فهم للموضوع، وعدم تواجدي دي مش انا المسئول عنها المسئول عنها هما الناس المسئولة عن العمليات الفنية والإنتاج وانتي بتشوفي فنان واحد ممكن يعمل ٥ أو ٦ مسلسلات وفنان تاني قاعد مع إن اللي قاعد ممكن يكون احسن من اللي شغال ".

واستكمل: اي الحكاية هل هي تارجيتات، هل هي كومبينات، هل هي شللية إذن في شللية ولما يكون في شلة إذن العملية فيها منفعه وانا معروف عني اني أنا جرىء ودايما يقولولي بتكلم كده ليه مش هتشتغل بقولهم يعني أنا دلوقت بشتغل ما أنا برضو مبشتغلتش في شللية وفي ناس معندهمش إدراك للعملية الفنية وللتنوع لان ده هيفيد العملية الفنية، ميبقاش واحد مقطع نفسه في كل عمل والمسلسلات تقعد تستنى بعضها لحد ما الفنان يخلص.