حماقي عن ما بلاش: واحد صحبي قالي حاسس إنها أشبه بترتيلة أو بصلاة مش أغنية

تحدث المطرب محمد حماقي عن كواليس تحضيره لـ أغنية ما بلاش، وذلك خلال مؤتمره الصحفي على هامش حفله الغنائي في ختام مهرجان قرطاج بدورته الـالـ 52.

تحيا مصر يرصد في ذلك التقرير تصريحات محمد حماقي عن أغنية ما بلاش

حماقي وأغنية ما بلاش

وقال محمد حماقي عن أغنية ما بلاش: واحد صاحبي مخرج اسمه ميدو شعبان كلمني يوم نزول الألبوم ووقف عند أغنية ما بلاش وسألني قالي هي الأغنية فيها حاجة؟ أنا مش حاسس إنها أغنية حاسس إنها أشبه بترتيلة أو بصلاة فيها حاجة روحانية زيادة عن الأغاني، وقولتله كلامك أثر فيا وحكيتله سبب الأغنية قالي وصلني الإحساس وأنا بسمع الأغنية من غير ما أعرف وأظن إن ده اللي وصل للناس.

وتابع حديثه كاشفا سبب عدم التصريح بأن أغنية ما بلاش مرتبطة بوفاة والده: مكنتش عايز من البداية أستنزف مشاعر الناس ولا إن الناس تتعاطف من قبل ما تسمع عشان تحب الأغنية، دي مش طريقتي، واحتفظت بما في داخلي لنفسي، وقدرت أقوله بعد حوالي 7 سنين بعد ما مبقاش فيه شبه استعطاف للناس.

حماقي وسر عدم استخدام لهجات أخرى في أعماله

وكان قد كشف حماقي عن سبب عدم حبه لتقديم أغنيات بلهجات مختلفة عن المصرية، فقال: طول عمري بقول موضوع الغنى بلهجات مختلفة، هو مدارس أنا بنتمي لمدرسة أني أغني بإحساس، ومش بحب أفعل راسي وأنا بغني، أنا بشوف اللي بيغني بلهجة مختلفة هو بيشغل نفسه بلهجة تكون صح ومخارج الحروف فـ ده بياخد جزء من إحساسك، وده السبب اللي يخليني مقدمش أغنية بلهجة تانية، أنا بحب أسمع الغنى التونسي بس من التونسى، والغنى قدام الجمهور التونسي مهمة صعبة مش سهل لازم تكون عامل حسابه ومجهز نفسك.

أخر أعمال حماقي الغنائي

من ناحية أخرى، طرح حماقي مؤخرا أغنية ده قلبي ده وذلك منذ أيام عبر حسابه الرسمي بموقع الفيديوهات الشهير يوتيوب وأتت الأغنية من كلمات  أمير طعيمة، الحان موسيقار الاجيال محمد عبد الوهاب، و أحمد ابراهيم وتوزيع موسيقي وميكس : تميم.