غادة عبد الرازق: اتضايقت لما قالوا عني اتطلقت للمرة الـ 12

أعربت الفنانة غادة عبد الرازق عن استيائها من الأخبار التي تم تداولها وقت انفصالها، بأنها تزوجت 12 مرة، وذلك على هامش تواجدها في لبنان لتنفيذ جلسة تصوير خاصة بها.

تحيا مصر يرصد تفاصيل تصريحات غادة عبد الرازق

وقالت غادة عبد الرازق: أنا بحس أنهم بيحطوا حاجات عشان يستفزوني أو يستفزوا الناس من ناحيتي لأنه العلاقة الشخصية المفروض متخشش في الفن، وأه اتضايقت بس خلاص اتعودت على كدا، وبحاول دايما اسمع من النحيادي وأخرج من الناحية التانية.

رأي غادة عبد الرازق في رضوى الشربيني وياسمين عز

وبسؤالها عن رأيها في اتجاهات كلا من المذيعة رضوى الشربيني والمذيعة ياسمين عز، قالت غادة عبد الرازق: هما الاتنين صحابي والاتنين مذيعات ناجحين، ممكن يكون فيه حاجات بتقولها رضوى بتقنعني جدا وممكن يكون في حاجات بتقولها ياسمين بردو مقتنعة بيها.

وتابعت: وممكن في مرة مقتنعش بكلامهم هما الاتنين، ومش بحب أقول مين فيهم بتقنعني، أنا لازم يكون ليا وجهة نظري الحياتية، والخبرة اللي اكتسبتها هي اللي بتقودني ازاي أعيش واعمل بيت.

غادة عبد الرازق: النجم المفروض ميظهرش كتير ويبقى متداول لكل الناس

وسبق وأن حرصت الفنانة غادة عبد الرازق على كشف علاقتها بالسوشيال ميديا وحقيقة تعمدها تصدر التريند في الأونة الأخيرة، مشيرة إلى أن معظم الأشياء المتداولة على صفحاتها بمواقع التواصل الإجتماعي المختلفة ينشرها الأدمن الخاص بها وليس هي.

وقالت غادة عبد الرازق خلال لقائها ببرنامج et بالعربي: “النجم المفروض ميظهرش كتير وميبقاش متداول لكل الناس، أنا اتربيت على الفكرة ده، غير اني مبحبش الظهور ومعرفش يعني ايه تريند وأي حاجة بنزلها على السوشيال معظمها من الناس اللي ماسكة الصفحة مش مني وأنا بس بنزل حاجات بسيطة”.

حقيقة وجود خلاف بين روجينا وغادة عبد الرازق

وعلى صعيد آخر، كشفت الفنانة روجينا حقيقة وجود خلاف بينها وبين الفنانة غادة عبد الرازق، كما كشف عن موقف جمعهما في مسلسل مع سبق الأصرار.

وقالت روجينا خلال استضافتها في برنامج جمعتنا الليلة والذي يعرض عبر قناة الظفرة: عمر ما كان فيه خلاف بيني وبين زميلة، غادة من الناس اللي بعد ربنا لها الفضل عليا.

وتابعت: الست دي في مسلسل مع سبق الإصرار المخرج مكنش يعرفني وهي صممت عليا.. بس فيه مشهد زعلت منها مشهد مكنش فيه ضرب بالقلم وضربتني، أنا وقتها زعلت، ومحمد سامي شاله في المونتاج.