مريت بمرحلة اكتئاب والكتابة بالنسبالي علاج.. أبرز تصرحات عباس أبو الحسن

فجر الفنان عباس أبو الحسن عدة تصريحات حول إصابته بالاكتئاب و إمكانية زواجه مرة أخرى، وذلك خلال لقائه في برنامج أسرار النجوم.

تحيا مصر يرصد تصريحات عباس أبو الحسن. 

تصريحات عباس أبو الحسن

وقال عباس أبو الحسن: أنا مريت بمرحلة اكتئاب بسبب رفض الأعمال اللي بكتبها، وبقيت أحس إني مش متحكم في قدري وخصوصًا أن الكتابة بتتطلب وحدة وهدوء بشكل مرعب ومحدش عارف لحد دلوقتي الجمهور عايز إيه أو الأعمال بتنجح ليه وإلا كان كلنا نجحنا.

وأضاف عباس أبو الحسن: الفن بيكون نابع من الألم وهو دا اللي بيطلع الابداع ولو الطاقة دي مطلعتش في عمل فني هتدمر الفنان وبالتالي الكتابة بالنسبة لي علاج وبتخليني أحس إني موجود في الحياة وبجاهد عشان أحافظ على موهبتي.

عباس أبو الحسن في أسرار النجوم

وعن إمكانية زواجه مرة أخرى، تابع: أنا اتجوزت مرتين وممكن أتزوج مرة ثالثة، لأني اتغيرت وكبرت ومبقتش أناني وبقيت متعاطف مع الناس ومش بحكم عليهم بسرعة، ولكن فكرة الزواج مش سهلة وخطوة صعبة ومحتاجة تفكير وعقل لأن الانجذاب مع الوقت بيروح فلازم أكون حابب وعارف ومتقبل ما أنا مقبل عليه.

وتألق عباس أبو الحسن في فيلم أشباح أوروبا بطولة هيفاء وهبى وأحمد الفيشاوى ومصطفى خاطر وأروى جودة وعباس أبو الحسن وعدد من ضيوف الشرف على رأسهم باسم سمرة، وتدور أحداث الفيلم فى إطار من الأكشن والمغامرات، حول زوجة  تنجب ستة توائم، مما يضطر الزوج لبيع ثلاثة من أبنائهما بسبب الفقر، وعندما تكتشف الزوجة، تقرر ترك زوجها والسفر للخارج لتنشأ العديد من الصراعات بين الأشقاء في المستقبل.

عباس أبو الحسن يشيد بالفنانة منى زكي

وكان أشاد عباس بالفنانة منى زكي قائلًا: ممثلة عظيمة تنال من التلسين ما لا تستحق، بعد ما فات خمس حلقات، نفسي اعرف منظرهم ايه دلوقتي قدام نفسهم اللي شنوا حملة مسعورة دنيئة ضد منى ذكي بمجرد ما شافوا صورة لها لابسه الحجاب وخدوها بالظن ومستنوش حتى يشوفوا المسلسل.

وتابعت: دايرة وبتلف ومسير يصيبك أو أهل بيتك من عملك وتدوء من طبق السم اللي طبخته . منى ذكي ترسخ نفسها كأفضل ممثلة مصرية حالية بدون منازع.