فيفي عبده: بنصح جمهوري بالصلاة لأنها بتحلي الحياة

خرجت الفنانة والراقصة فيفي عبده لتكشف عدد من التصريحات، وذلك خلال فيديو بث مباشر عبر حسابها الرسمي بموقع التواصل الاجتماعي انستجرام، شاركته مع الجمهور منذ قليل.

تحيا مصر يرصد في ذلك التقرير تصريحات فيفي عبده عبر لايف بانستجرام

فيفي عبده: انا في عز شبابي وبنصح الجمهور بالصلاة

وقالت فيفي عبده خلال الايف: أنا مستغربة إني بقيت بنسى كتير رغم إني صغيرة وعندي 25 سنة لسه في عز شبابي ولكني بحمد ربنا كل يوم على النعم اللي في حياتي والحمدلله إن ربنا بيحبني،  وبحمد ربنا إني على طول كويسة، وبنصح كل جمهوري يصلي، الصلاة دي أهم حاجة وهتشوفوا بعد ما تصلوا حياتكم هتكون حلوة إزاي، وبدعي ربنا يحفظ لي بناتي وأحفادي.

وتابعت: أنا مخدتش شهادة المدرسة ولكن معايا شهادة الحياة لأني لفيت كتير وتعبت.

فيفي عبده تكشف سبب اختفائها

وكانت قد تحدث فيفي عبده عن سبب احتفائها، فقالت: اختفيت من فترة لأني كنت تعبانة وعملت عملية في العمود الفقري ودي كانت أول عملية أعملها في حياتي، وبعدها تخنت جدا ووصلت لـ 95 كيلو، متخيلين فيفي عبده بالوزن دا؟ واتكسفت أطلع لجمهوري بالمنظر دا إلا لما أخس، وأوحش حاجة على العمود الفقري هو التخن وأنا قفلت بوقي ومش هأكل إلا فاكهة ولما كنت تخينة كنت هضرب نفسي بالنار، وكنت هرقع بالصوت وياريت يعملوا تصريح ليا أضرب نفسي بالرصاص لأن لازم أعرف أنا بأكل كتير ليه؟

تفاصيل أزمة فيفي عبده الصحية

وكانت فيفي عبده قد كشفت عن تعرضها لأزمة صحية، فقالت: الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة.

وتابعت: أكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام، ولأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا.