كريم العدل عن صانع المحتوى محمد طاهر: بياكل عيش بشتيمة الفنانين.. واللي بيعمله قلة أدب

انتقد المخرج كريم العدل طريقة صانع المحتوى محمد طاهر في التعليق على الأعمال الفنية، وذلك من خلال منشور عبر حسابه الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات كريم العدل عبر فيسبوك

كريم العدل عن محمد طاهر: بياكل عيش بشتيمة الفنانين.. واللي بيعمله قلة أدب

وأعاد كريم العدل نشر مقطع فيديو لمحمد طاهر وهو يتحدث عن فيلم مرعي البريمو، وعلق: ده مش نقد.. ده اسمه قلة ذوق وعيب، والعيب مش عليه لوحده.. أي فنان ممكن يعمل فيلم أو اتنين أو أكتر وحشين، وممكن مايعجبكش وده حق أصيل لأي شخص.

وتابع: و تقدر تنتقد الفيلم بأبشع الطرق.. لكن تغلط و تجرح في الناس سواء ممثل أو مخرج أو ايا كان، دي اسمها قلة أدب.. و لو النقابات الفنية ماتصرفتش ووقفت هذا الشخص عند حده، اللي قاعد ياكل عيش بشتيمة الفنانين و الفنيين في كل فيديو من اللي بيعملهم.

واختتم: يبقى مليون عيب علينا احنا كمان.. و عيب اكبر كمان على النقاد الكبار، اللي ساكتين على أن الشخص ده يتقال عليه ناقد فني، وقلت قبل كده ان الصحفيين و المذيعين اللي كانوا بيستضيفوا البني ادم ده و يسموه ناقد فني، هما اللي هيوصلونا للحتة دي.. و اهه حصل.

تعليق كريم العدل على جدل جوائز الأسوأ

وسبق وأن حرص المخرج كريم العدل التعليق على الجدل الذي أثير في الفترة الماضية حول جوائز الأسوأ، وذلك من خلال منشور عبر حسابه الشخصي على موقع التواصل الاجتماعي فيسبوك.

وكتب العدل: للأسف يا جماعة.. بيحصل في العالم كله ومن زمان.. جايزة أسوأ فيلم وأسوأ ممثل وأسوأ ممثلة.. وبيترشح لها كمان ناس تقيلة، أخرهم كان Tom Hanks عن بينوكيو.

وتابع: وهقول لكم عالكبيرة، ساعات الحاصلين عليها، بيروحوا وبيطلعوا عالمسرح وبيستلموها كمان.. أنتوا بس اللي الصدمة خضتكم لما تخيلتم أنها ممكن تحصل لكم في يوم من الأيام.

واختتم: مع أن الحصول عليها لا ينم عن ضعف أو قوة موهبتك على الاطلاق، خليكم فريش يا جماعة.. مش كل حاجة لازم نعمل عليها حوار.