تحيا مصر ينشر أقوال عريس البحيرة: «مراتي طلعت راجل وعندها عضو ذكري» | خاص

حصل موقع تحيا مصر على نص أقوال يسري شرقي عريس البحيرة الشهير، الذي اكتشف ليلة الدخلة ان زوجته تجمع بين صفتي الذكر والأنثى معا، وذلك من وقائع أوراق القضية التي تقدم بها ضد زوجته وأسرته.

تحيا مصر

تافهة.. ريهام تطلب الخلع: مش عايز يجيب لي بخور وهو راجع

إزعاج الخطيب.. قرار عاجل بشأن محاكمة مرتضى منصور

أعمال منافية.. أهالي أبو الغيط يستغيثون من بلطجية في أرض زراعية|فيديو

عشيقها مشي في جنازته.. أسرة ضحية زوجته في المنوفية: اكتشفنا بعد الأربعين|فيديو

نص أقوال عريس البحيرة: جسمها مش طبيعي

وتضمنت أقوال يسري شوقي 29 سنة مبيض محارة، عريس البحيرة الشهير مفاجآت عديدة حيث شرح تفاصيل زواجه، و اكتشافه أن زوجته خنثى تجمع بين صفات الذكر والأنثى، وأنها تعاني من اضطراب في الهرمونات وإن أجرت عملية لـ توسيع المهبل، وأخبره الطبيب أن العلاقة الزوجية من الممكن أن تكون طبيعية بعد شهر من العملية، إلا أن عريس البحيرة أكتشف المفاجأة أن زوجته منى كانت ولدا وتحمل أسم محمد.

س. ما تفصيلات شكواك؟

ج. اللي حصل إن أنا من حوالي ثلاث سنين اتقدمت للمدعو شعبان فوزي، عشان أخطب ابنته منى شعبان واتفقنا على كل حاجة وحددنا ميعاد الفرح يكون في أغسطس 2020، وبتاريخ 20 أغسطس 2020 كتبنا الكتاب وعملت فرح تاني يوم ولما جيت عشان أدخل على زوجتي اكتشفت ان جسمها مش طبيعي عندها عيب خلقي أنها خنثى.

ساعتها أتصلت بأبوها وقلتله على اللي حصل وهو قالي استر علينا وانا هجيلك الصبح وأنا هخلص الموضوع دا وأنها محتاجة عملية توسيع، ولما جالي الصبح تاني يوم قالي هناخدها نكشف عليها ولو عندها حاجة هنعملها عملية توسيع وبعد كده عملنا لها تحاليل واشعات في القاهرة في معمل هناك.

أقوال عريس البحيرة: لقيتها خنثى يوم الدخلة

التحاليل والأشعات أثبتت أن هي عندها أعضاء تناسلية خارجية ناتجة عن اضطراب في الهرمونات وإن هي اتعمل لها عملية تصحيح في الأعضاء التناسلية وبقت أنثى، وبعد كده تحولت لمستشفى الشاطبي في الإسكندرية واتعملها عملية توسيع مهبل، والدكتور قالي إن العلاقة الزوجية ممكن تبقى طبيعة بعد شهر، وبعد شهر اتصلت بالدكتور وقلت له في نزيف دم وقالي استنى شهر كمان، وفي خلال الشهر ده عرفت ان هي كانت ولد اسمه محمد وبعدها أنا مقدرتش اعيش معاها وراحت لأهلها وبعد كده قعدنا مع بعض وهما هددوني أن أنا لو فضحتهم واشتكيت يأذوني وبعدين قولتلهم تعالوا خدوا عفشكوا وحاجتكم وقالولي لا واشتكوني في محكمة الأسرة بالنفقة وتسليم المنقولات وأنا تعبت نفسيا من اللي حصل ده كله.

س. وما مضمون شكواك تحديدا؟

ج. أنا بتهم شعبان فوزي أنه قال إن ابنته إنثى في عقد الزواج وأنا لما دخت بها لقيت أنها خنثى.

عريس البحيرة: أبوها وجدها ضحكوا عليا وقالولي هنأذيك

س. وما هي أسماء المشكو في حقهم الثلاثية؟

ج. الأول شعبان فوزي علي والثانية منى شعبان فوزي والثالث محمد عبداللطيف عبداللاه والرابع ناصر علي عبداللاه

س. ماهي صلتك بالمشكو في حقهم تحديدا؟

ج. منى دي اللي انا اتجوزتها وشعبان ده يبقى أبوها ومحمد يبقى جد منى وناصر ده ابن عم شعبان.

س. وما هو دور كل من المشكو في حقهم سالفي الذكر؟

ج. الأول ضحك عليا وفهمني أن بنته انثى لحد ما اتجوزتها، والثانية فضلت مفهمانى انها أنثى لحد بعد الجواز، والثالث والرابع هددوني إني لو مسلمتهمش الورق اللي معايا او لو فضحتهم يأذوني في حياتي.