بعد شائعة محاولة انتحارها.. ظهور طريف لشيرين عبد الوهاب رفقة ياسمين عبد العزيز

فاجئت الفنانة المصرية شيرين عبد الوهاب جمهورها بظهور طريف لها رفقة النجمة ياسمين عبد العزيز، وذلك بعد شائعة محاولة انتحارها.

تحيا مصر يرصد أحدث ظهور للفنانة شيرين عبد الوهاب رفقة ياسمين عبد العزيز.

أزمة شيرين عبد الوهاب مع بهاء الدين محمد 

وكان فتح الشاعر بهاء الدين محمد النار على شيرين عبد الوهاب بعد تصريحها بندمها على على تقديم أغنية ما تجرحنيش عبر حسابه الرسمي بـ فيس بوك قائلًا: مش متعود أرد على أي حد.. ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم ييجى عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جدا.

وتابع بهاء الدين محمد: المشهد الأول، أول يوم دخلت شيرين عبد الوهاب مكتبي كانت مع الأستاذنصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء. 

بهاء الدين محمد ينتقد شيرين عبد الوهاب 

وأضاف: والمشهد الثاني رشحتها تغني كتير بنعشق، ولولا موافقة نصر احتراما للعشرة اللي بنا ماكانتش هتغنيها، لأنها كانت موقوفه من النقابة.

تصريحات بهاء الدين محمد عن شيرين عبد الوهاب 

واستكمل: المشهد الثالث لما فوجئت بمدير أعمالها الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول.. المشهد الرابع والأخيرأغنية ماتجرحنيش أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. وماتجرحنيش من أهم أعمالي ومن حقي أدافع عنها نتاج تهور اللي غنيتها.

واختتم: وكمان لأول مره ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم.