بدرية طلبة: خراب البيوت مش بالساهل وكلمة عانس مؤلمة نفسيًا

انتقدت الفنانة بدرية طلبة الفتيات اللاتي يتباهن بالانفصال عن الزوج، وذلك خلال مقدمة برنامجها “من غير نفسنة”، الذي تقدمه مع الفنانة انتصار ونوليا عبر شاشة قناة هي.

تحيا مصر يرصد تصريحات بدرية طلبة.

تصريحات بدرية طلبة

وقالت : يعني إيه سينجل ومش سينجل إحنا عايزين نلم الدنيا، ليه الطلاق وكل واحد يروح لحاله وتفرح؟ بنلاقيه على فيسبوك مكتوب إنها متزوجة وفرحانة، وتاني يوم تقول باركولي أنا سينجل، نباركلك على إيه؟ هو خراب البيوت بالساهل؟!.

تعليق بدرية طلبة على الطلاق

وتابعت بدرية طلبة: عايزين نلم الدنيا وحالات الطلاق زادت أوي يا جماعة، وبتلاقي نفسك محتاسة في كل شئون حياتك، لكن لو الإنسان اللي في حياتك ميؤوس منه فأنا معاكي إنك تطلقي، أبغض الحلال عند الله الطلاق، لكن لو الحاجة تتصلح صلحيها يا بنتي وخلصي.

وأضافت: كلمة عانس تقيلة أوي، وبرا مصر الكلمة دي عندهم عيب، وأنا بقولهم دي بنهزر عندنا بيها، ولكن هي كلمة مؤلمة نفسيًا.

برنامج من غير نفسنة

يعد ‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا،  يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.

وكانت قد خرجت الفنانة بدرية طلبة لتعرب عن غضبها من تصريحات الإعلامية ياسمين عز المثيرة للجدل عن الرجالة، وذلك بطريقة ساخرة،مشيرة إلى أنها يمكن أن تهدم العلاقة بين الزوج والزوجة دوت قصد، وقالت بدرية خلال فيديو نشرته عبر حسابها الرسمي بموقع التواصل الاجتماعي "فيسبوك": "إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذمحمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة الليفي قلبي منك زادت".

وتابعت حديثها: أنا لو قلت كده هيديني بطبق الملوخية فى وشي، إنتي بتوقعي توقيع غير مشروع وممكن تكوني قاصدة منه خير، بعد ماأقوله يلا يا محمد أقوله محمد بمد الالف واتنحنح شتوي، لا يا ياسمين لا، والله يا ياسمين يوم ما كنت بقوله يا قلبي، أحس إني في إيه، لاوقت للدلع المرق، بصي يا ياسمين إنتي خلتينا فعلا نكلم نفسنا وبعدين اي الصوت الشتوي ده يعني الست تلبس بطانية وهي بتتكلم ولا اي،وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية.