طه دسوقي يحتفل بزفافه على الاستايلست نادين

احتفل الفنان الشاب طه دسوقي بزفافه على الاستايلست نادين، وسط حضور الأصدقاء والأقارب في أجواء مليئة بالسعادة.

تحيا مصر يرصد احتفال طه دسوقي بزفافه.

تصريحات طه دسوقي

على الصعيد الآخر، كان قال طه دسوقي خلال لقائه في برنامج Insider: موضوع عائلي محطة مهمة جدًا على مستوى مشواري الفني وحياتي، وفعلًا فرق معايا إني آخذ مساحتي الصح اللي مفروض أكون موجود فيها.

وتابع: عايز أشكر أحمد الجندي جدا على إيمانه بيا وثقته فيا.. وهو تمسك بيا في وقت مكنش منطقي يتمسك بيا في بدايتي خالص.

ويعد موضوع عائلي 2" فكرة وإخراج أحمد الجندي وسيناريو وحوار محمد عز الدين وكريم يوسف، وبطولة ماجد الكدواني، ونور، ورنا رئيس، ومحمد شاهين، وسما إبراهيم، وطه الدسوقى، ومحمد رضوان، ومحمد القس، وياسمين ممدوح وافي.تمكن المسلسل المصري موضوع عائلي من الدخول الى قائمة الأعمال الأعلى مشاهدة فى دولة الإمارات عبر منصة شاهد vip.

طه دسوقي يشيد بمسلسل بالطو

وأشاد طه دسوقي بمسلسل بالطو قائلًا: أنا مستمتع جدا بالمشروع ده ومبسوط بالبداية العظيمة والمبشرة دي، وكنت مستنيه لكذا سبب الحقيقة، أولا لأنه تقديمه مشرفه لممثل شاب (عصام عمر) من اللي بيعافروا بقالهم كتير، موهبته تستحق إنها تتشاف بالشكل ده".

وأضاف: "ثانيا مبروك علينا مخرج شاب برضه بالشطارة والتمكن ده (عمر المهندس) اللي اعتقد ده أول مشروع ليه بس حاطط فيه سنين شغله اللي باين في حكيه وكادراته واختياره للممثلين وتوجيههم، ثالثا مبروك علينا مؤلف شاب برضه (أحمد عاطف) اللي كاتب حدوته حقيقية، سهل جدا تحصل لأي حد، والضحك فيها بمنتهى الجدية والبساطة".

وأكمل: "رابعا وده شهادتي فيه مجروحة بس غير إنه أخويا وصاحبي فهو واحد من أشطر الستاندب كوميديانز في مصر (وليد المغازي)عامل دور صغير في المسلسل ودي حاجة مفرحاني بشكل شخصي".

تعليق طه دسوقي على مسلسل بالطو

وختم كلامه: "مش عايز أطول بس من الآخر هي تجربة شبابية مشرفة والله لجيل فخور إني بنتمي له، شكرا لكل صناع المسلسل دا".