بعد خضوعها لعملية استئصال الرحم.. حورية فرغلي: كان نفسي أجيب بنت وندمانة على عدم زواجي

تحدثت الفنانة حورية فرغلي عن تجربة خضوعها لعملية استئصال الرحم، وذلك خلال لقاء لها ببرنامج ET بالعربي.

تحيا مصر يرصد تفاصيل تصريحات حورية فرغلي

حورية فرغلي: أنا مؤمنة بقضاء ربنا

وقالت حورية فرغلي: أنا مؤمنة بقضاء ربنا، ومن صغري وأنا عارفة أن عندي ورم في الرحم وعارفة أن دي وراثة، شالولي الرحم والورم كان لازق في كل حتة وقعدوا خمس ساعات يفكوه.

وتابعت: العملية كانت صعبة بالنسبة للدكتور وهو قالي كدا بعد ما خلص، أنا حاسة بنفسي أحسن بكتير، عندي طاقة ومش تعبانة وباكل كويس وفعلا كان مأثر عليا.

حورية فرغلي: كان نفسي أوي أجيب بنت

واضافت: وأنا عندي 30 سنة عملت عملية زي دي وكان عندي 7 أورام والدكتور قالي قدامك 10 سنين تحاولي تتجوزي فيهم وبالمساعدة هتحملي وأنا بولدك هشيل الرحم قولتله أوكيه ومتجوزتش ومحصلش ارتباط وشيلت الرحم خلاص.

واستكملت: كان نفسي أوي أجيب بنت، دا كان حلمي طول عمري، والحلم دا اتاخد مني الأسبوع اللي فات، ولسه مش عارفة ايه اللي ممكن يعوض الاحساس دا والحاجة الوحيدة اللي كانت هتفرحني في الدنيا هي أني كنت أخلف ودا مش هيحصل.

نصيحة حورية فرغلي للفتبات

وفي نهاية الحوار حرصت حورية فرغلي على توجيه نصيحة للفتيات، وقالت: الجمال مش كل حاجة، الناس أول ما هتشوفك هتقول واو وزي القمر ولما ياخدوا عليكي هيشوفوكي عادية جدا.

واختتمت: واللي بيعيش فعلا هو أنك تتجوزي وتجيبي ولاد دي الحاجة اللي أنا ندمانة عليها، ولو رجع بيا الزمن كنت هتجوز عشان هو دا اللي هيعيشلي.

ظهور صادم لـ حورية فرغلي بعد اجراء عملية في الرحم

وسبق وأن خضعت الفنانة حورية فرغلي لـ عملية جراحية في الرحم منذ أسابيع قليلة، وذلك في مساء يوم الخميس الموافق 6 من شهر يوليو، مشيرة إلى أنها تشعر بحالة إعياء شديد.

واكدت حورية فرغلي أن عملية استئصال الرحم الذي خضعت لها هي بمثابة عودة جديدة لها، موضحة: أنا اتولدت من جديد، وحالتي تتحسن مع الوقت و سأعود لجمهوري قريبا.