نتيجة الثانوية العامة.. الإبن جايب 50% وأمه بتحتفل بيه والزوج: معندكمش دم إنتي طالق

معندكمش دم.. بهذه الكلمات كانت نهاية الحياة الزوجية لسيدة أربعينية تدعى مريم، بعد زواج دام لمدة 19 عاما، حيث قام زوجها بتطليقها بسبب إحتفالها بنتيجة إبنهما في الثانوية العامة 2023 والذي حصل على 50%.

تحيا مصر

مراتك بتدخل شقة.. شقيقة قتيل دمياط: لقيتوا عريان وغرقان في دمه| فيديو

هنحطلك شطة.. حميدة تستغيث: جاري قالي هقلعك هدومك وأفضحك | فيديو

أول طلاق بسبب نتيجة الثانوية العامة

قصة السيدة مريم مع زوجها بدأت قبل 20 عاما، حيث تقدم زوجها عبدالله للزواج منها حين كان عمرها 23 عاما، حيث كانت تعمل حينها في إحدى الشركات وشاهدها زوجها وحصل منها على عنوان منزلها وتقدم لخطبتها، ووافقت أسرتها عليه حيث كان يعمل موظفا في الصباح ولديه محل لبيع الملابس، وتركت العمل بعد الزواج بعامين وتفرغت للمنزل.

بعد 19 سنة زواج.. طلاق مريم بسبب الثانوية العامة

وروت مريم الأربعينية، قصتها مع زوجها عبدالله قائلة «أنا أتجوزت وأنا عندي 23 سنة بعد سنة خطوبة، وفي أول سنة جواز ربنا رزقني بأول طفل ليا وكانت بنت، وبعدها ربنا رزقني بابني محمود، اللي كان طول عمره ذكي جدا وشاطر، لكن كان دايما والده يقوله أخرة دلع أمك هتكون وحشة، وأنا زي أي أم كنت بحب الولاد جدا وبخاف عليهم مش دلع».

مجموع الإبن 50%.. الزوج: إنتي طالق ياهانم

وتابعت مريم قائلة «أولادي كبروا والبنت دخلت الكلية والولد بقى في ثانوية عامة، وكان بيذاكر في الأوضة أكثر من 14 ساعة في اليوم، وكل ما أفتح عليه الأوضة كنت بلاقيه على الكتاب، بس مش عارفة حصل إيه، ولما طلعت النتيجة لقيته جاب 50% قولت مش مهم والمهم أنه نجح وخلص ويدخل أي حاجة ويمسك محل أبوه، ويدخل أي معهد ولا أي حاجة ,إحنا أصلا مبسوطين وميسورين الحال».

وأختتمت مريم قائلة «بعد ما طلعت النتيجة شغلت أغاني وقولت له مبروك ياحبيبي، وأنا جوايا زعلانة بس خلاص مفيش في إيدي حاجة قولت مش هعقد الواد يعني، وابوه لما رجع قالي مبروك كام وتسعين قوليلي، قولت له ده نجح وخلاص مش مهم المجموع وكدة كدة هيشتغل معاك، راح لقاني قاعدة بعمل أكل لإبني وبحتفل بيه لقيته بيقولي معندكمش دم إنت وإبنك، إنتي طالق ياهانم، وخرج وساب البيت».