حسن يوسف لـ تحيا مصر: ادعولى ربنا يصبرنى .. عبدالله كان قلبى وعينى اللى بشوف بيها

وقع نبأ وفاة عبد الله نجل الفنان حسن يوسف عليه كالصاعقة، بعدما رحل عن عالمنا نتيجة غرقه أثناء السباحة عن عمر 35 عام.

تحيا مصر يرصد حالة حسن يوسف بعد وفاة نجله.

حالة حسن يوسف بعد وفاة نجله

قال حسن يوسف في تصريح خاص لموقع تحيا مصر: ادعولى ربنا يصبرنى .. عبدالله كان قلبى وعينى اللى بشوف بيها .. ربنا يرحمك ياحبيبى.

وقال أشرف زكي نقيب المهن التمثيلية أنه حتى الآن لم يتم تحديد موعد الجنازة والعزاء. 

من جانبه، كان قال الفنان المصري القدير حسن يوسف خلال ندوته بقصر السينما: أعتقد إن سعاد حسني اتقتلت مش انتحرت، والمنتحر المفروض يكون جمبه دم، هي اتقتلت في الشقة قبل ما تترمي أدوها حقنة توقف قلبها مثلا.

تصريحات حسن يوسف 

وتابع حسن يوسف: روحنا لندن نزور ابننا محمود ومن أهداف الرحلة إن شمس، تقنعها بالرجوع وكانت بدأت تخس وينزل وزنها، وكان عندها العصب السابع، وبعدين سمعنا إنها اترمت، كانت بتستعد إنها تيجي وترجع.. الله يرحمها زعلت عليها أوي وكنت بعتبرها زميلة تختة الله يرحمها كانت موهبة كبيرة أوي.

وأضاف: سعاد حسني كانت تيجي التصوير معاها ملوخية وهلهلية، ودمها زي الشربات، كانت عبقرية بشهادة فاتن حمامة اللي قالت: السينما قدامها كتير عشان تجيب زي سعاد حسني في براعتها وحضورها.

حسن يوسف في ندوة تكريمه

واستطرد حسن يوسف: لحظات السعادة كانت قدام الكاميرا، ولكن كانت في حياتها تعيسة وكل زيجاتها كانت فاشلة وأنا كنت زي أخوها، وتكلمني الساعة 2 بليل تقولي إلحقني صلاح كريم هيموتني.. وإنا أنزلها وأقولها خليكي زيي شوفي نادية لطفي بتعمل ايه بتحسبها بالمللي.. الله يرحمها كانت ممثلة متتعوضش رغم إن فيه بنات كتير طلعوا بعدها.