خاص| بعدما لقى مصرعه غرقًا.. أشرف زكي يكشف تفاصيل جنازة نجل حسن يوسف

لقى عبدالله نجل الفنان حسن يوسف الأصغر مصرعه غرقًا في الساحل الشمالي عن عمر يناهز ال 35 عام، وهو ما أثار حزن جمهور والديه.

تحيا مصر يرصد تفاصيل جنازة نجل حسن يوسف.

جنازة نجل حسن يوسف

وقال الفنان أشرف زكي في تصريح خاص لموقع تحيا مصر أن جنازة الراحل لم تحدد حتى الآن.

لقاء أشرف زكي مع أميرة بدر

على الصعيد الآخر، قال أشرف زكي خلال لقائه مع الإعلامية أميرة بدر ببرنامجها “VIP” المذاع على شاشة “هي”: كلمته أخر مرة من شهر ومعرفش الناس جابوا منين إنه مصاب بالزهايمر، واللي عنده مصدر يقولنا، وأنا بكلمه باستمرار.

وأضاف أشرف زكي: عادل إمام رشحلي حد من الشباب الصغيرين وقالي خلي بالك منه، ودايمًا بتواصل مع ابنه رامي إمام، وبقول للناس اللي بتطلع شائعات الفنان ده إنسان وبيحس وعنده عيله، ولو في حاجة هنقول ريحوا نفسكم.

من جانبه، قال أشرف زكي: أنا بوجه رسالة عتاب لأي حد يسيء للبلد، وخاصة أن فيه بعض الفنانين للأسف نسيوا فضل البلد عليهم، والله يا ابني اللي عملك نجم كبير البلد دي اللي أنت دلوقتي هربان برا وبتنال منها، ومحدش منهم لجأ ليا أنهم ممكن يرجعوا مصر، ومفيش قنوات مفتوحة بيني وبينهم.

تصريحات أشرف زكي 

وتابع: وأنا بشكر مراتي، وبناتي الاتنين لأنهم مستحملني، والله أنا حياتي صعبة مش سهلة، وبشكر زملائي على ثقتهم فيا وعلى أن هما اختاروني أمثلهم، ودا شرف كبير محلمش بيه، وأنا من حقي أن أشكو وأنا راجل تارك أموري على ربنا وربنا مش بيختار غير الأحسن.

وكشف الدكتور أشرف زكي نقيب المهن التمثيلية، تفاصيل اعتزال الفنانة عبلة كامل للفن، وحقيقة إصابتها بسرطان الثدي وعلاجها في إحدى المستشفيات.

وتابع أشرف زكي خلال لقائه مع الإعلامية أميرة بدر ببرنامجها “VIP” المذاع على شاشة “هي”: أعوذ بالله مافيش الكلام ده، الفنانة الكبيرة عبلة كامل زي الفل، وبتواصل معاها وبنقعد نتكلم ونهزر ونضحك، وهي صديقة عزيزة وعظيمة وبنعتبر نفسنا أكتر من إخوه.

وأضاف أشرف زكي: عبلة أخدت قرار أنها تبتعد، تواصلت معها وقت مهرجان الدراما أنا ودكتور يحيى الفخراني، وهي رفضت، ولو تعبانة أكيد كانت قالتلي، وقولتلها ترجع عشان خاطري قالتلي مش حابة وخاطرك على عيني.