هوي على فرعونك وهو نايم ومينفعش تصيفوا لأنه ممكن يدوب.. ياسمين عز تثير الجدل بتصريحاتها

أثارت الإعلامية المصرية ياسمين عز الجدل بتصريحاتها الأخيرة في برنامج كلام الناس المذاع على قناة Mbc مصر الفضائية.

تحيا مصر يرصد تصريحات ياسمين عز المثيرة للجدل.

تعليق ياسمين عز على قطع الكهرباء 

قالت ياسمين عز: الكهرباء بتقطع لكن أنتي محتاجة النور في ايه وفرعونك مصدر النور جنبك، والمفروض تهوي عليه لحد ما يصحى ومتناميش غير لما هو يقوم.. وأنتي مش محتاجة كريمات تفتيح اللي محتاجه تفتحيه هو مخك.

ياسمين عز تحذر من نزول الرجال البحر

وعن زوجة تشتكي رفض زوجها سفرهم للمصيف، ردت ياسمين قائلة: طبعا عنده حق لأنه خطر جدًا على حياته ينزل المياه عشان هو أصله سكر وممكن يدوب وترجعي من غيره.

على الصعيد الآخر، كانت قالت ياسمين عز خلال برنامجها كلام الناس المذاع على قناة Mbc مصر: "لو كنت سيدة لبنانية جميلة هتقولي لجوزك يا فينيقي يا حياتي، ولو عايشة طول عمرك تأكليه تبولة وفتوشة ومنقوشة إنسي الكلام ده، من هنا ورايح تأكليه تبول ومنقوش وفتوش، وإلغي التاء المربوطة من حياتك يا مدام".

وأضافت: "للمرأة اللبنانية لو تزوجتي رجل مصري، تنادي عليه بالفرعون".

وردت المذيعة اللبنانية ميرفت نحاس عليها خلال برنامجها، الذي يعرض عبر قناة التليفزيون الجديد: " اندهشت جدا من حديث الإعلامية المصرية ياسمين عز عن المرأة اللبنانية، إذ جاء حديثها يحمل ملامح الاستفزاز، كما سخرت من الأكلات اللبنانية الشهيرة".

ياسمين عز في كلام الناس

وتابعت: ما تعودنا نرد على قلة الأدب وقلة التهذيب بنفس الطريقة بس بنقول للسيدة المحترمة ياللي المفروض تكون بنت عز مثل ما بيدل اسم عيلتها.. لا تقول أصلي وفصلي أبدا.. إنما أصل الفتى ما قد حصل.. محبتنا لمصر خلقت معنا ورح تبقى معنا وأكيد مبسوطين فيها رغم كل أصوات النشاز، بعض الحاقدين بسبب تجارب شخصية بيحاولوا تشويه وجه مصر المشرق.

واختتمت ميرفت نحاس حديثها قائلة: "المرأة اللبنانية لا تنتظر شهادة من ناس حاقدة وحاسدة، سيأتي وقت ونتحدث بالتفصيل عن سبب هذا الحقد، ووقتها سيتحول الياسمين إلى شوك والعز إلى ذل".