عائشة بن أحمد: قططتي قعدت في العيادة 3 أسابيع تعبانة.. واتعرض لاستغلال مادي

كشفت الفنانة التونسية عائشة بن أحمد عن تفاصيل تعرضها للاستغلال المادي بسبب مرض قططتها، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات عائشة بن أحمد عبر إنستجرام

عائشة بن أحمد: اتعرضت لاستغلال مادي ونية مش كويسة

وكتبت عائشة بن أحمد من خلال خاصية استوري: لوسمحتم حاولوا تسألوا كويس قبل ما تودوا كلابكم أو قططكم لأي عيادة.. أنا قططتي عيانة أوي وبيتعالجوا وبايتين من 3 أسابيع في عيادة.. 3 أسابيع وكل ما يقولوا لي أنهم خفوا أرجعهم البيت.

وتابعت: تاني يوم اكتشف أنهم لسه عيانين وفي كل مرة أرجعهم العيادة فيكتشفوا أن عندهم مرض جديد، لغاية من يومين قالولي تمام وأنهم خفوا وبعدين رجعوا في كلامهم وقالولي لا في واحد بس اللي خف والتاني لا.

واضافت: فقررت أغير العيادة عشان حسيت أن قططي مش بتتحسن، وأن في استغلال مادي ونية مش كويسة لما روحت لهم منهارة وعايزة اخذ القطط فجأة قالوا لي على فكرة هما الاتنين كويسين وكنا هنقولك تمام روحي بيهم الاتنين (سبحان الله).

عائشة بن أحمد: من 3 أسابيع وأنا عايشة الكابوس ده

واستكملت: ختهم وعملت لهم أشعة وتحاليل تانية لقيت أنهم تعبانين أوي شالوا لواحد فيهم القسطرة مع أنه لسه محتاجها فركبوا له في العيادة الثانية،  وحدة تانية النهاردة، انتوا متخيلين هو اتعذب قد ايه لا بياكل لا بيشرب، والتانية حرارتها 41 وحالتها خطر وبرده ما بتاکلش وما بتشربش.

واختتمت: من 3 أسابيع وأنا عايشة الكابوس ده ما كنتش عايزة اكتب ولا أحكي، لحد بس لازم الناس تاخد بالها كويس أوي وتسأل كويس قبل ما تودي حيواناتها لأي عيادة.

عائشة بن أحمد تتألق في مذكرات زوج

وسبق وأن تألقت عائشة بن أحمد خلال مسلسل مذكرات زوج الذي تم عرضه على شاشات التلفزيون في الموسم الرمضاني الماضي، وتدور قصة المسلسل في 15 حلقة فقط وهو مأخوذ عن رواية  تحمل نفس الاسم للكاتب أحمد بهجت، وسيناريو وحوار محمد سليمان عبد المالك ويخرجه تامر نادى وإنتاج شركة أروما للمنتج تامر مرتضى، ويشارك في بطولته خالد الصاوى، عائشة بن أحمد، نور خالد النبوي، ونادية رشاد.

وعن دورها في المسلسل قالت: درست الشخصيات اللي بتحب السيطرة زي شيرين في مذكرات زوج لقيتهم ضعاف من جوة وشخصيات هشة.