عبير تطلب الخلع: مفهمني أنه شغال في سوهاج وهو سافر الساحل الشرير

قالي أنا رايح شغل في سوهاج وطلع في الساحل.. بهذه الكلمات سردت عبير قصتها مع زوجها بعد زواج دام 11 عام، والتي إنتهت بطلب الخلع في محكمة الأسرة بالكيت كات.

سابوها تنزف طول الليل.. أسرة ضحية زوجها في الدقهلية: معاه شهادة معاملة أطفال

ليست عذراء وعظامها بارزة.. مفاجأة في واقعة مقتل فرح طالبة طنطا

عبير تطلب الخلع بسبب كذب زوجها

سردت عبير قصتها مع زوجها والتي بدأت قبل 11 عاما قائلة «أنا عندي دلوقتي 37 سنة وجوزي أكبر مني بسنة واحدة، ومش عارفة دي مراهقة متأخرة ولا هو زهق والحاجة الرئيسية عنده بقت أصحابه» مشيرة إلى «كريم كان بيشوف صحابه كل فين وفين وفجأة يوم الخميس ده بقى مقدس، وبقى بيروح لهم على القهوة ويرجع لي الساعة 5 الفجر، وكنت بقول معلش أهو يفك عن نفسه».

وتابعت عبير قائلة «أتقدم لأهلي وأنا عندي 22 سنة وساعتها كان لسه بيكون نفسه والظروف مش كويسة، وأترفض كريم لكن بعد سنتين أتقدم تاني وكان أشترى شقة وجاله وظيفة تانية، وساعتها أهلي وافقوا على الجوازة، وأتخطبت لكريم سنتين، فضلنا نجهز في الشقة وكان مفروض نتجوز خلال سنة لكن وفاة والدته أجل الجواز شوية، والمهم في الأخر أتجوزته في شقة على قدنا بتاعته».

سيدة تطلب الخلع من زوجها بسبب الساحل

وأضافت عبير «بعد حوالي 4 سنين كريم جاله شغل تاني والظروف أتحسنت جدا، وخلفنا طفلين وبعدها نقلنا شقة تاني كبيرة في الجيزة، وجاب عربية وكان بيديني مصروف ليا وللبيت كبير، ومكنتش بطلب حاجة إلا وكريم يجيبها وساعات من غير ما أطلب حتى، لكن بعد 10 سنين جواز الدنيا أتغيرت معي أن إهتمامي محصلش فيه أي تغير وفضلت زي ما أنا».

وأكملت عبير في قصتها مع زوجها «كريم أتغير وبقى يروح لأصحابه كتير ويسهر يوم الخميس معاهم وكنت بقول معلش، لحد ما جه قالي أنا عندي شغل في سوهاج وهسافر 10 أيام، وقولت له ماشي، وكنت مستنية يرجع عشان نسافر المصيف بعد ما الأولاد خلصوا إمتحانات، بس كانت المفاجأة ليا لما صاحبتي أتصلت بيا قالتلي هتيجي الساحل أنا هناك، قولتلها لما كريم يرجع من سوهاج عنده شغل».

عبير: مفهمني أنه مسافر يشتغل في سوهاج

وأختتمت عبير قائلة «الكارثة بقى أن صاحبتي قالتلي سوهاج إيه أنا شوفته أمبارح هنا في الساحل، وقولتلها طيب أنتي عارفة هو فين قالتلي على أسم القرية، وبالليل صورته وبعتت لي الصورة مع أني كنت بقولها ده مطحون شغل وتلاقيه مش هو، ولما شوفت الصورة أتصدمت وأول ما جه قولت له أنت كنت بتعمل إيه في الساحل أنكر، ولما وريته الصورة قالي دي كانت من فترة لما سافرت إسكندرية شغل وواحد صاحبي منزلها على الفيسبوك، وأتخانقت أنا وهو وسبت البيت وبعدين رفعت قضية خلع عليه».