انتصار: مفيش حاجة اسمها كل الرجالة خاينيين دي عقد نفسية

انتقدت الفنانة بدرية طلبة البرامج النسائية التي تحرض المرأة ضد الرجل، والرجل ضد المرأة، مؤكدة أنها ستكون محايدة ولن تحرض أي طرف ضد الآخر.

تحيا مصر يرصد تفاصيل تصريحات بدرية طلبة وانتصار

وقالت بدرية طلبة في مقدمة برنامجها “من غير نفسنة” الذي تقدمه مع الفنانة انتصار ونوليا، عبر شاشة قناة “هي”: في برامج بتنصف المرأة ضد الراجل وبرامج بتنصف الرجل بطريقة أوفر ضد المرأة، وأنا هنا في النص اتلغبطت وأنا أتأثرت لدرجة أن صوتي بقى شتوي، أنا عايزة أبقى محايدة لا مع ده ولا ده.

انتصار: مفيش حاجة اسمها كل الرجالة خاينين ووحشين

وعلقت الفنانة انتصار، قائلة: مفيش حاجة اسمها كل الرجالة خاينين ووحشين، ليه ما الراجل ده أبوكي وأخوكي وابنك اللي مخلفاه من بطنك، وابن عمك اللي بيخاف عليكي وبيرعاكي، كل دول وحشين؟ ولا إنتي مركزة بس في العلاقة العاطفية مع الزوج والحبيب؟ الرجالة اختزلتيهم في دول؟ في حاجة اسمها بعض ونسبة، وناخد كل نسبة بحالتها وتربيتها.

وتابعت انتصار: في تسخين وتقوية شوكة ويتقال متسكتيش وعقد نفسية، وتحس داخلة الموضوع متحفزة بدل ما يكون في صفاء نفس، ومتطخيش ومترضعيش ومتديلوش فلوس من بتاعك، هو أنا عايشة مع عدوي؟ ما تدبحيه وتخلصي.

الرجل والمرأة في برنامج من غير نفسنة

واستكملت انتصار: البنت يبقى فيها العبر، وبتقول ده جري ورايا هو كان يطول؟، يطول إيه ده الشرع محلل له 4، هو إيه علشان يطول ضفرك.

وأضافت نوليا قائلة: وارد اختلاف الآراء، ولكن مينفعش حد يفرض رأيه على المرأة، رأيي نبقى بين البينين ولا تبلكيه (بلوك بلوك بلوك)، ولا تفرعنيه (الفرعون الصغير)، لأن أنا كنت من الستات اللي كنت بجيب المياه وأحط فيها الملح، وفي راجل بيتمرع لما بيلاقي الست بيعمل كده.

‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا،  يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.