محمد رياض عن رغبته في تغيير اسم المهرجان القومي للمسرح المصري: بيحصل لبس بينه وبين المسرح القومي

كشف الفنان محمد رياض عن سبب رغبته في تغيير اسم المهرجان القومي للمسرح المصري إلى مهرجان المسرح المصري، مشيرا إلى اللبس الذي يحدث بين اسم المهرجان ومهرجان المسرح القومي.

تحيا مصر يرصد في ذلك التقرير تصريحات محمد رياض خلال المؤتمر الصحفي للمهرجان القومي للمسرح المصري

محمد رياض: اللبس بين المهرجان القومي للمسرح والمسرح القومي مش مفيد

وقال محمد رياض خلال المؤتمر الصحفي للمهرجان القومي للمسرح المصري المقام حاليا: حصل لبس بين المسرح القومي وبين المهرجان القومي للمسرح المصري فقولت عايزين نشيل اللبس ده فقولت مهرجان المسرح المصري على طول وده بيعبر عن هوية المهرجان واللي بيتكلم عن المسرح في مصر مش بس بتاع الدولة ولكن في القطاع الخاص والمجتمع المدني والجامعات وكل ما ينتج من مسرح في مصر، فده بيعبر عن الهوية وبيشيل اللبس اللي حاصل بين مهرجان المسرح القومي وبين المهرجان القومي للمسرح المصري.

وتابع حديثه: وأما اقترحت ده حصل شوية اعتراضات لكن هو لحد دلوقتي اسمه المهرجان القومي للمسرح المصري والسنة الجاية هنحاول نغيره تاني لأن اللبس ده مش مفيد للمهرجان.

محمد رياض وتفاصيل الدورة الـ ١٦ من المهرجان القومي للمسرح المصري

وتحدث محمد رياض عن المهرجان فقال: الدورة الـ ١٦ هتبقى دورة مهمة، احنا قولنا كل بيانات المهرجان وقصدنا أن كل تفاصيل المهرجان تبقى بين أيدين حضراتكم، المهرجان فعالياته كتير، ومن أصعب المهرجانات الموجودة، السنادي فوجئنا بأن جالنا ١٨٠ نص مسرحي، ودي حاجة مبشرة.

وتابع حديثه: أتمنى الورش اللي موجودة تستمر طول السنة، وأتمنى نعمل دورة تليق بالمسرحيين والمسرح المصري، ويارب أكون عملت اللي عليا أنا وكل الأساتذة اللي معايا.

محمد رياض ومسلسل الناقور

من ناحية أخرى، يواصل الفنان محمد رياض العمل في مسلسل الناقور الى جانب النجوم أيتن عامر ومحسن منصور، طارق عبد العزيز، محمد عز، لبنى ونس، أحمد فؤاد سليم، أحمد عبد الله محمود، صبري عبد المنعم، هبة عبد العزيز، دارين حداد، ناصر سيف، وغيرهم من نجوم الفن، وتدور احداث المسلسل حول السحر والشعوذة في إطار تشويقي مليء بالأحداث الهامة، وهو  من تأليف طارق بكرات، إخراج عادل الأعصر، وإنتاج سمير عبد الباسط، ومن المقرر أن تدور احداثه في 30 حلقة، ومن المقرر ان يحقق نجاحات ساحقة خلال فترة عرضه.