ابني كان مستحمي في دمه.. والدة شاب تعدى عليه ابن عمه: قطعه بـ«كتر» |فيديو

في جريمة بشعة بسبب الغيرة، أقدم فتي بإستدراج إبن عمه في أحد الغيطان الزراعية، وقام بتقطيع جسمه محدثا عدة إصابات بالغة له من خلال كتر.

حلق شعرها عشان بـ 10 جنيه بيض.. ضحية زوجها بـ الغربية: أخوه بيهددني وأسرته عايزة تدفع عشان أتنازل|فيديو

فجأة لقيت الدنيا ضلمت.. نورهان ضحية لافتة كوبري أكتوبر: أتحشرنا تحت الحديد أنا وجوزي وعيالي | فيديو

تحيا مصر

وكشفت الأم لـ "تحيا مصر" تفاصيل الواقعة قائلة:" ابني رفض يلعب مع ابن عمه أو يمشي معاه بسبب أنه بيشيل قطرات، وفي يوم وهو نازل عشان يجيب حاجات عشان يفرشها في المدرسة عشان الصلاة، وقام بتقطيع جسمه بالقطر، وغزات في جنبه وتقطيع 3 شرايين في دماغه، مشيره إلى أنها كانت تمنع أبنها من اللعب معه لأن سلوكه ليس جيدا، عشان كده باقي صحابه مابقوش يمشوا معاه وافتكر أبني اللي مسلطهم".

ابني مستحمي في دمه

وروت الأم أن شخص اتصل بها أبلغها أن ابنها مرمي في المستشفى، وأضافت "لما رحت أنا وأخوه قالولي أن أبنك في العمليات، مكنش حد يقدر يشوف منظره، والدكتور طلب مني أنه بعد مايفوق أخده وأعمله إشاعة مقطعية على دماغه لأن الضربة كانت قوية جدا، وأخبرني أن أبني اتكتب له عمر جديد لأن نزف كتير، مضيفه، "ابني كان مستحمي في دمه، والدكاترة قالولي بقالنا ساعة ونصف بنقفل فيه".

وأشارت الأم أن الطبيب كشف أن سبب إصابة دماغة هو ضربه بآله ثقيلة على دماغه، تسببت في قطع 3 شرايين له، وظل في العمليات ساعة ونصف، كما تسبب في إصابة بالغة له في الصدر احتاجت إلى 70 غرزة.

عبدالرحمن: ابن عمي كان بيستفزني

من جانبه كشف عبدالرحمن 16 سنه، أن ابن عمه 14 سنة كان دائما ما يستفذه قائلا:"كان بيلقح عليا بالكلام ويشتمني وأنا مش برضى أرد عليه، وده بسبب الغيره عشان كان مفكر إني أنا اللي مانع صحابه يمشوا معاه.

وأضاف عبدالرحمن "في يوم الوقفه كنت نازل عشان أجيب سجاد من المسجد عشان صلاة العيد، وأنا ماشي لقيت اتنين خبطوني على دماغي بشوم كانوا مع ابن عمي، وابن عمي راح معورني بكتر، وبعدها فقدت الوعي، وبعدها ابن خالتي شافني غرقان في دمي شافني وخدني في توكتوك وداني مستشفى الوفاء وخيطت هناك".

عايزة حق ابني

وطالبت الأم بحق ابنها بالقانون، رافضة أي تصالح، قائلة:"محدش يرضى إن ابنه يتعمل فيه كده، أنا كنت راسمة إن ابن يدخل كلية تابعة للحكومة لكن كده خلاص لإن الجروح هتسيب أثر.

وأوضحت أنها قامت بتحرير محضر لأنها لا تريد مشاكل لأولادها ولا تريدهم أن يتعاركوا مع أحد.