عشت معاها 8 سنين في جنة.. رسالة مؤثرة من زوج لزوجته في ذكرى وفاتها

وجه زوج لزوجته رسالة مؤثرة لزوجته في ذكرى وفاتها بعد مرور عاما من الوفاة، مؤكدا أنها كانت الحياه بالنسبه له، واعتبر أن روحه فارقت الحياة مع فراقها له، قائلا :"عدت سنه وبدل ما نحتفل بمرور 8 سنين جواز بقت ذكري وفاة روحي".

تحيا مصر

لغز فتاة زراعات أخميم.. جارها إبتزها من أجل الأموال وقتلها في سوهاج

مش عايز يوديني الساحل الشمالي.. حنان تطلب الخلع: مش قصة فلوس

زوج ينعى زوجته بعد رحيلها

وكشف أن أبنائهم روفان ورحيم متبهدلين، وهو لم يعد يستطع دخول الشقة لأنها لم تعد موجوده بها، موضحا أنه يعيش منذ سنة في حالة من التوهان، وسطر على صفحته الشخصية بموقع التواصل الاجتماعي فيس بوك «عيشت معاها أجمل سنه في حياتي، وأحنا مخطوبين لا عمرها اتشرطت وقالت لون الدهان مش عجبني ولا لون السيراميك وحش، أمي الله يرحمها كانت تقولها ما تقولي يا بنتي إنتي عاوزه أيه في الشقه نعملهولك تقولها أنا عاوزه أبنكم ومش عاوزه حاجه تانيه».

وتابع الزوج، عيشت مع عبير 8 سنين في الجنة، لا عمرها اشتكت من قلة الفلوس ولا عمرها طلبت مني حاجه فوق طاقتي، كنت أقولها أنا هسافر علشان نعيش مرتاحين تقولي أنا مرتاحه وأنت جنبي وأنا مش محتاجة منك حاجة غير أنك تكون معايا مش عاوزة حاجة غيرك.

وأكمل لما أكون غلطان وأتعصب عليها تقولي أنا أسفه، أنا عارفه أنك شغال في الحالات الحرجه والطوارئ، وبتشوف اللي محدش يقدر يتحمله فحقك أنك تتعصب وأنا واجبي إني أهديك علشان أنت بتتعب علشاني.

زوج: كنت عايش مع عبير 8 سنين في الجنة

ولفت إلى مدي حنيتها وطيبتها، قائلا :"من حنيتها علي أخواتي، وعيالهم لحد الآن بيعيطوا عليها، مش متخيلين إنها خلاص مبقتش موجوده، وقفت معايا في شغلي وأستحملت كتير لحد ما بقينا رقم واحد وكل دا بفضل ربنا ثم بفضلها عليا".

وأضاف، عمري ما أكلت في حياتي أكل حلو غير من إيديها حتي الملح كان طعمه مسكر مدام هي مسكته بايدها، مشيرا إلى أنه عندما تعرض إلى حادث رفضت تركه بالرغم من أنه أعطاها حرية الذهاب، حيث قال :"لما عملت الحادثه كنت بقولها لو مش عاوزه تكملي معايا أنا مش هزعل، كانت بتقولي هو أنا لقياك في الشارع علشان أسيبك، وبعدين هو أنت تعيشني أجمل 7 سنين في حياتي ومش عاوزني أستحمل 5 او 6 شهور.

وأوضح أنه لم ينساها أحد لأنها عمرها لا خذلت حد ولا زعلت حد ولا قالت كلمه وحشه في حق حد، لما ماتت كنت مفكر إن الناس هتنساها، وحده زي اي وحده ماتت، بس الغريب إن يمر علي وفاتها سنه وألاقي الناس بتكلمني من السعودية وبتقولي والله كل مره بننزل الحرم بندعي لعبير.

زوج: أنا عايش على المهدئات من غير زوجتي

وأضاف أنه سنه من فاتها وهو يعيش على المهدئات في وجع وقهر وعدم الامان والدموع لسه منشفتش، وتابع هو في حالة بائسة: "كنت بقولها أنا بكره الليل علشان بنام ومش بفضل شايفك مع انك في حضني كانت بتقولي أنا مش هطير انا موجوده اهو هروح فين يعني.

وأنا بفتش في حاجه كانت بتعملها وحشه علشان تكرهني فيها علشان أعرف أعيش مش لاقي، كل مواقفها بتخليني اعيط لما افتكرها، كانت هي اللي بتطبطب وتهون وتشيل عني، ولفت إلى أن الناس كانوا مسمين المركز بمركز دكتوره عبير، مفيش حد في كفر الشيخ مزعلش عليها وكلهم لحد الان بيدعولها ضحكتها كانت بتخطف القلب والجوارح.

كانت تشوفني تضحكلي اقولها انا ببقا جي مقتول من الشغل واول ما بشوف ضحكت اكن حد اداني مخدر ومش حاسس باي تعب، كانت فرحه ليا وللبيت ولروفان ورحيم، وطالب في نهاية منشوره الدعاء لها، موضحا أن كل ابتلاء بيحصلنا ما هو إلا كرم وفضل من ربنا ولازم نكون مؤمنين بيه.