خاص| أول رد من حورية فرغلي على اتهامات طليقة حسن شاكوش بخيانته لها مع فنانة شهيرة

حالة واسعة من الجدل أثارتها ريم طارق طليقة مطرب المهرجانات الشعبية حسن شاكوش، بعدما كشفت عن خيانته لها مع فنانة شهيرة في نهار رمضان، لديها أزمة صحية وثالث حرف من اسمها راء على حد قولها.

تحيا مصر يرصد رد حورية فرغلي على تصريحات طليقة حسن شاكوش.

حورية فرغلي تنفي علاقتها بمطرب المهرجانات حسن شاكوش 

ليتوقع الجمهور أنها تقصد بتصريحاتها الفنانة حورية فرغلي، وتواصل موقع تحيا مصر مع حورية لتكشف له عن ردها على هذا الأمر فقالت: مفيش أي معرفة ليا مع شاكوش وعمري ما شوفته.

تصريحات طليقة حسن شاكوش 

وكانت قالت طليقة حسن شاكوش عن ازمتهما: الموضوع بيني وبين حسن شاكوش اكبر من الخيانة، بس أخلاقيا ودينيا مش هقول ومش هقدر احكيه.

وتابعت: اتحملت مع حسن شاكوش اللي محدش يتحمله من رابع يوم جواز.

وقال والد ريم طارق في مداخلة هاتفية له ببرنامج 90 دقيقة مع الإعلامية بسمة وهبة: أنا مش حابب اتكلم في أي حاجة، أنا بنتي اتظلمت ظلم كبير، ودايما بتهدد، من أول المشكلة بيجيلي تهديدات غير عادية، وطلعت استنجدت، وقولت يا جماعة الراجل دا يعرف يعمل ويعمل، ومش هقول سبب الطلاق لأن احنا اتعودنا منجبش في سيرة حد ومنفتش أسرار حد، واللي ربنا يستره مينفعش احنا نفضحه.

أزمة حسن شاكوش وريم طارق 

وتابع: وأنا عايز أوجهله رسالة أنت جيت خدت بنتي من بيتي، وبنتي كانت متعززة في بيت أبوها ومبسوطة، رجعتهالي أبسط ما يقال عنها أنها كانت جثة مهلهلة مطعونة في كرامتها، الله يسامحك على كل اللي أنت عملته، والحرب دي استنزفت كل قوانا لكن احنا مكملين، واخواته بيشتمونا.

والد ريم طارق: أنا عايز اعتذار من حسن شاكوش
واستكمل والد ريم طارق: أنا عايز اعتذار من حسن شاكوش على كل الكلام اللي قاله هو وأهله، وأنا بوعده مقابل الاعتذار أني مش هتكلم ولا هقول ايه السبب اللي خلاني أنا وبنتي منقعدش مع حد عشان تصالح وكلام من دا، واللي أنا عايزه هدوم بنتي، وأنا ولا عايز منه أبيض ولا أسود.

واختتم: أخو حسن شاكوش سبني وأنا عملتله قضية، أستاذ حسن اتهمني أنا وبنتي أن احنا زورنا وهعمله قضية تاني