إيناس النجار تصدم جمهورها بجنسيتها الحقيقية

فجرت الفنانة إيناس النجار عدة تصريحات حول جنسيتها وبدايتها الفنية، وذلك خلال لقائها مع الفنانة انتصار وبدرية طلبة ونوليا، في برنامجهم “من غير نفسنة” المذاع عبر شاشة قناة "هي".

تحيا مصر يرصد تصريحات إيناس النجار. 

إيناس النجار في برنامج من غير نفسنة

وقالت إيناس النجار: بدأت تمثيل من بدري أوي وأنا صغيرة من سنة 2003 كنت طفلة كان عندي 13 سنة، وأول فيلم عملته مع انتصار كان عندي 16 سنة، أنا وهي كنا صغيرين.

تصريحات إيناس النجار 

وتابعت إيناس النجار: والدي الله يرحمه هو اللي كان بيشجعني على التمثيل، وبعدين أختي كانت بتدعمني، وموضوع التمثيل كله جه صدفة لأني كنت بعمل إعلانات، وبعدين دخلت في مسلسل العصيان، وبعدين اترشحت في فيلم ميدو مشاكل، كل حاجة جت صدفة مكنش في حاجة مترتبة.

بدايات إيناس النجار الفنية

وأضافت: أستاذ أحمد السبعاوي هو اللي اكتشفني، وبعدين أستاذ محمد النجار اشتغلت معاه فيلم ميدو مشاكل، وبعدين اشتغلت فيلم بحبك وأنا كمان، فقالي اسم إيناس عبد الناصر تقيل شوية والناس ممكن متفهمهوش، فأنا هكتب اسمك إيناس النجار وهنسبك بنتي فنيًا.

وعن حياتها الشخصية قالت: تزوجت من رجل مصري وأقيم في مصر و عندي بيت حلو في تونس، ولكن بحلم بـ بيت في مصر لأني عايشة هنا ومستقرة من سنين كتير أوي، وناس كتير أوي بيقولولي لهجتك مصرية أوي، وأنا مقدمة على الجنسية المصرية وإن شاء الله هتيجي. 

يعد برنامج“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا،  يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.