منتج شهير يعترف بعمل سحر لـ فيفي عبده: معايا حارس من عند ربنا بيذلل ليا الصعوبات

كشف المنتج السينمائي أحمد الزواوي قيامه بعمل سحر للفنانة فيفي عبده بالمرض بسبب خلاف سابق بينهما، وذلك خلال مداخلة هاتفية له ببرنامج حضرة المواطن.

تحيا مصر يرصد تفاصيل تصريحات أحمد الزواوي

منتج شهير يقوم بعمل سحر لـ فيفي عبده

وقال أحمد الزواوي: عملت عمل للراقصة فيفي عبده علشان عليها فلوس ومش عايزة تدفعها وفيلم لعب العوالم متصورش بسببها..عملت عمل أقعد فيفي عبده بيبقى في ايدينا حاجات بنستعملها لما يكون مش عارفين ناخد حقنا بالقانون وهي ليها علاقة بالفلك ومش أي حد يقدر يعملها.

وتابع: ما قمت به مع فيفي عبده مجرد قرصة ودن، كان ليا مبلغ عند فيفي عبده مقدم فيلم قيمته 60 ألف جنيه في 2017 وانا بعد المحاولات معاها بقولها عايز الفلوس بقيمتها دلوقتي يعني لو المبلغ كان بيساوي 6 اَلاف دولار دلوقتي قيمته 10 اَلاف دولار وبس هو ده اللي أنا عايزه ومطلبتش زيادة عن حقي.

أحمد الزواوي: أنا معايا حارس من عندنا ربنا بيذلل ليا الصعوبات

واضاف: فيفي عبده رافضة تدفعلي المبلغ، إحنا حضرنا للفيلم وجبنا أبطال العمل اللي اخترتهم وحجزنا لوكيشن وفجأة لقيناها مش بترد علينا، وأشرف زكي قال لي أعمل شكوى في النقابة واشتكتها في المحكمة والقضية خدت حفظ بسبب عدم الوصول لها وكلمت بنتها عزة مجاهد وفي النهاية قالت مش دافعة.

واختتم: أنا معايا حارس من عندنا ربنا بيذلل ليا الصعوبات واستعملت الموضوع في أشياء تخصني ولكن مش في ضرر أو أذى الناس، وبيسهلولي الصعاب بأمر الله، وده له علاقة بالفلك مش بالسحر.

أحمد الزواوي في برنامج 90 دقيقة

كما شارك أحمد الزواوي في مداخلة هاتفية ببرنامج 90 دقيقة مع الإعلامية بسمة وهبة، وكشف ملابسات الخلاف بينه وبين فيفي عبده، فقال: أنا موضوعي قائم من 2017، كان فيه مشكلة بيني وبين فيفي عبده على التعاقد على فيلم، وخدت دفعة التعاقد اللي طلبتها 60 ألف جنيه، ورشحت بقيت الأبطال ومضيناهم وأخدوا عرابينهم، وجهزت للفيلم وصرفت أكتر من نص مليون جنيه، وكنت لسه راجع من برا ويعتبر دا أول عمل ليا.

واستكمل: وحددنا موعد التصوير، وأول ما أكدنا عليها الأوردر انقطع الاتصال بيننا نهائي، اضطريت أني أجل الأوردر، وقولنا نصبر يمكن عندها ظروف، وانتظرنا ما يقرب من شهر ومكنش فيه تواصل بردو، واتصلت بدكتور أشرف زكي وقولتله الوضع واحد اتنين تلاتة قالي تعالى أعمل شكوى عندي في النقابة وقدمها، وقدمت الشكوى وبدأ التحقيق فيها.

واستطرد: ودكتور أشرف ذكي حاول يحل الموضوع معرفش، وكلمت عزة مجاهد بنتها، ولجأت للوساطة وكل اللي يروح ليها تقوله مش هدفع الفلوس، ومرض فيفي عبده كان قرصة ودن ليها، وربنا مديني امتيازات باخد بيها حقي منها.