بعد تجربته في حجر إيجابي.. رانيا محمود ياسين عن ابنها عمر: فرحانة بيه وهيكون مؤلف متميز

أعربت الفنانة رانيا محمود ياسين عن فخرها وسعادتها البالغة في عرض أولى أعمال ابنها عمر الفنية في مجال التأليف، والذي أتى بعنوان “حجر إيجابي”، وذلك في دار الأوبرا أمس بحضور أقاربه من بينهم الفنانة شهيرة والفنان محمد رياض.

تحيا مصر يرصد في ذلك التقرير تصريحات رانيا محمود ياسين عن أولى أعمال نجلها في مجال التأليف

رانيا محمود ياسين: فرحانة بـ عمر وفخورة بيه 

وقالت رانيا محمود ياسين في تصريحات خاصة لـ موقع تحيا مصر: فرحانة بـ ابني ومبسوطة فخورة بيه، وعمر أن تعبت عليه وقعدت سنين جنبه مشتغلتش وخلفته وأنا صغيرة أوي، فوجودي ووقفتي معاه مش مجرد احساسي كأم بس، ده ابني وصحبي وحاجات كتير أوي.

وعن فيلم حجر إيجابي ومنافشته عدد من المشكلات من بينهم جائحة كورونا، قالت رانيا محمود ياسين: المشكلات اللي عرضها الفيلم أثرت فيا جدا، خصوصا علاقة الابن بالأم وحسينا ان إحنا مرينا بمعركة وقدرنا اننا نخرج منها ويارب مترجعش تاني.

رانيا محمود ياسين: فرحانة بـ عمر ابني كمؤلف وشايفة انه هيكون كاتب متميز

واستكملت حديثها عن نجلها عمر، فقالت: مش أول مرة أشوفه على الشاشة لكن أنا فرحانة بيه كمؤلف أكتر، وأنا شايفة إنه واعي مجتهد ككاتب وكممثل، وأنا عايزاه ينجح في كل حاجة وهو ككاتب مميز ومقدملهوش ملاحاظات كتيرة .

وسبق وتحديث عمر محمد رياض عن فيلم حجر إيجابي، فقال في تصريحات تليفزيوينة: حجر إيجابي فيلم كان صعب جدًا، لأن إحنا اتنين شباب لسة متخرجين من الجامعة كان حلمهم يعملوا فيلم يقدروا يبعتوه مهرجان ويحاولوا يكون في منصات تتولاه، فكان الموضوع مش سهل لأن مكنتش بشتغل بـ كرو كامل ومن غير إنتاج.

عمر محمد رياض وتجربته في فيلم حجر ايجابي

وتابع: الموضوع كان صعب جدًا وكان هيحتاج وقت كبير علشان يتعرض، ودلوقتي إحنا بنتحرك في الجهتين إننا نعرضه في المهرجانات وفي منصة قريب هتتولى عرض الفيلم، وهنعرض الفيلم عرض خاص في إحدى السينمات الشهر اللي جاي.