تامر هجرس يحتفل بتخرج ابنته من إحدى جامعات إنجلترا: فخور بكِ.. الله يحفظك

احتفل الفنان تامر هجرس بتخرج ابنته من إحدى جامعات إنجلترا، حيث نشر عدة صوره تجمعه بها عبر حسابه الرسمي بموقع تبادل الصور والفيديوهات القصيرة إنستجرام، وعلق عليها قائلًا: فخور بكِ.. الله يحفظك.

تحيا مصر يرصد احتفال تامر هجرس بتخرج ابنته من الجامعة.

تصريحات تامر هجرس 

على الصعيد الآخر، قال تامر هجرس مع إنجي علي: نفسي أعمل فيلم تاريخي بجد وحاجة نفتخر بها، زي صلاح الدين أو الرسالة، أو عمر المختار، كانت أفلام قوية رغم قلة الإمكانيات عن وقتنا الحالي، وعندنا قصص قوية زي عمرو بن العاص وخالد بن الوليد، وهي بتحتاج المنتج الجريء والكاتب المخترع والمخرج المختلف.

وتابع: دائما بتمنى تقديم أدوار مختلفة، والممثل ليه طبقات وألوان مختلفة، ولكن للأسف المخرجين بطلوا يغامروا فاللي يقدم الأدوار الشعبية بيفضل دايما يقدمها واللي شكله أجنبي دايما يكون حواليه المعجبات في المشهد.

سبب غياب تامر هجرس الفني

وفي اللقاء ذاته، كشف تامر هجرس عن سبب غيابه عن المشاركة في الأعمال الفنية في الفترة الأخيرة، وقال: أنا بغيب لأن اللي بيتعرض عليا مش هيمثل إضافة لتاريخي في السينما مثلا، ولكن في سنة ممكن أقدم مسلسل والسنة اللي بعدها أعمل إعلان، أحاول دايما أكون متواجد بشكل مستمر.

وقال تامر هجرس: شخصيتي المؤمنة هي اللي محتفظ بيها طول عمري، لأن صلة العبد بربنا مهمة جدا، وأنا شخص ديموقراطي في كل حاجة في حياتي وحتى مع بناتي الإقناع مهم ليهم وتوضيح كل شيء في حياتهم.

تامر هجرس وزوجته

وفي الحلقة نفسها، كشف تامر هجرس عن علاقته بزوجته، فقال: مهم تكون العلاقة بين الرجل والست قايمة على الصداقة، ويكون فيه صراحة بينهم، الرجل الشرقي لازم يحب زوجته ويفتخر بها ويعليها دايما، ولكن الغيرة هي عدم ثقة في النفس أو الغير.

وتابع: فعمري ما أحطها في موقف هي تغير لأني واثق من نفسي والعلاقة بيننا، وزوجتي متفهمة طبيعة شغلي وتواجدي في أي مكان والناس بتيجي تتصور معايا.

أما عن الشائعات التي يتعرض لها من وقت لآخر قال تامر هجرس: أنا بحب الإشاعات اللي بتطلع عليا، بتبقى لذيذة ومسلية وهي ضريبة الشهرة.