عبير الشيخ عن الذكاء الاصطناعي: احنا في خطر حقيقي والموضوع شائك جدًا

أعربت الإعلامية عبير الشيخ، عن استيائها من ظاهرة الذكاء لاصطناعي، بسبب استخدام البعض الخاطئ له.

تحيا مصر يرصد تصريحات عبير الشيخ عن الذكاء الاصطناعي. 

تصريحات عبير الشيخ عن الذكاء الاصطناعي

وقالت عبير الشيخ في حلقتها في برنامج ساعة عصاري، عبر شاشة قناة هي: "تخيل تبقي قاعد علي النت في يوم عادي جدا، تلاقي فيديو ليك وانت بتقول حاجة ملهاش علاقة بيك ولا إتكلمت عنها قبل كده ولا الكلام ده يمت لأفكارك بصلة، والفيديو صوت وصورة يعني لو قولت لحد أن ده مش أنا، محدش هيصدقك".

الذكاء الاصطناعي يجتاح السوشيال ميديا 

واضافت الشيخ :" تخيل تشوف إبنك أو زوجتك أو أختك ليهم فيديوهات بيقولوا فيها أي حاجة مش مناسبة ليك ولا لمجتمعك، إحنا بقينا في خطر حقيقي، و ده لإمتلاكنا سلاح ممكن نستخدمه في آلاف الحاجات اللي تفيدنا، وممكن نستخدمه بطريقة تضرنا، أنا بتكلم علي الذكاء الإصطناعي ".

وتابعت: الفترة الأخيرة بقينا نشوف فيديوهات لاشخاص إرتكبوا جرايم و إتسجنوا أو تم الحكم عليهم بالإعدام من سنين و هما بيحكوا قصتهم صوت وصورة، طب إزاي؟، طلع أن بمجرد وجود صورة للشخص و تسجيل قصير لصوته يقدر الذكاء الإصطناعي أنه يوفرلك الشخص ده وهو بيقول الكلام اللي انت عايزه، بقينا كمان نسمع أغاني مهرجانات بصوت عبد الحليم حافظ و أغاني حديثة بصوت أم كلثوم".

واستطردت :"الموضوع شائك جدا، ولو إعتبرنا أن الفنانين ليهم حقوق في المواضيع المتعلقة بحقوق الملكية، طب هل الناس ليها حقوق ملكية علي صورها و صوتها".

رأي صفاء أبو السعود في الذكاء الاصطناعي

من جانبه، كانت قالت صفاء أبو السعود إنها تحب التكنولوجيا وتطورها، ولكنها لو وجدت أغنية بالذكاء الاصطناعي تخصها ولا تعجبها سترفضها، مشيرة إلى أن هذه التقنية الحديثة تساعد المطربين الغير قادرين على الحركة بأن يقدموا أغاني.