محمد هنيدي: حياتي الشخصية مفيش حد يتدخل فيها ورفضت دوري في فيلم مع عادل إمام لهذا السبب

كشفت الفنان محمد هندي أسرار عن حياته الشخصية وسبب عدم ظهور ابنائه في السوشيال ميديا، كما تطرق بالحديث عن أعماله خلال الفترة المقبلة.

تحيا مصر يرصد لكم تصريحات محمد هنيدي

وقال محمد هنيدي خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: أنا بحب الغنا وتجربة الأغاني في الأفلام نجحت لكن محستش إني ممكن انفصل عن الفيلم أو المسلسل وأعمل ألبوم لوحدي.

وأوضح: اتعرض عليا بعد فيلم صعيدي في الجامعة الامريكية أغني في بنها وواحد كلمني عشان أغني في فرح بنته وقعدت ساعه اقنعه إني بغني في الأفلام بس.

وكشف هنيدي أنه سيقدم أغنية في فيلم مرعي البريمو برفقة كلًا من عبد الباسط حمودة والفنان أحمد شيبة.

هنيدي: بخاف قبل نزول أي فيلم عشان الجمهور مرعب

وقال هنيدي أنه دائمًا ما يشعر بالخوف قبل نزول أي عمل له قائلًا: محتاج إني طول الوقت افضل اشتغل واجتهد عشان احافظ على الفيلم اللي بعده والفيلم لما بينجح بيبقى هم عشان بفضل افكر إني اعمل فيلم أحلى.
وتابع: بخاف قبل نزول أي فيلم والجمهور مرعب ويخوف مهما كان بيحبك، ومفيش حد بيفضل ناجح طول الوقت وبيبقى خبطات كتير.

وكشف هنيدي أن في الماضي لم يكن هناك مصطلح التنمر موضحًا: الايفيهات بتاعتي زمان مكنش في تنمر ولا تفكيرنا كان كده والمواضيع الجديدة اللي طلعنا فيها مصطلح التنمر وغيره، والتنمر والهزار الفرق بينهم بيبان في الاداء والشخصية اللي بتتقدم والفكرة، ومش برفض إيفيه إلا بناءً على ضميري.

محمد هنيدي عن عدم ظهور ابنائه على السوشيال ميديا: حياتي الشخصية لوحدها ومفيش حد يتدخل فيها

كما كشف هنيدي عن سبب عدم ظهور ابنائه وحياته الشخصية على السوشيال ميديا وقال:  من أول ما بدأت اشتغل وحسيت أن الحياة الشخصية لوحدها ومفيش حد يتدخل فيها وقبل السوشيال ميديا.

وتابع:  وتكريم الجونة ختهم معايا وعادي واتبسطت اوي وكانت لحظة جميلة لأي أب قبل فنان.

كما كشف هنيدي عن تقديم شخصية سوبر هنيدي في شكل فيلم انيميشن، والذي سبق  وعرض منه خمس أجزاء خلا السنوات الماضية.

وكشف هنيدي أن شخصية رمضان مبروك أبو العلمين حمودة أثرت على شخصيته بشكل كبير موضحًا أنه تقمص الشخصية لفترة طويلة، وقال هنيدي: رمضان مبروك أبو العلمين فضلت متقمص الشخصية وبتكلم بشخصية رمضان مبروك وبطريقته وكلامه.

محمد هندي: فيلم عنتر ابن ابن شداد حصله ظروف ومطلعش زي ما احنا عايزين

وكشف هنيدي عن سبب عدم نجاح فيلم عنتر ابن ابن شداد وقال: عنتر ابن ابن شداد حصله ظروف قبل العرض ومينفعش حاجة تحصل ناس كبار تطلع تتكلم وتقول الفيلم مش حلو والفيلم مطلعش زي ما احنا عايزين وروحنا وقولنا قدر الله وماشاء فعل، والفيلم تجربة كانت المفروض تبقى احسن من كده.

وأوضح هنيدي أنه يوافق أن يتقدم شخصية أب للنجوم الشباب موضحًا: نفسي اعمل أب عنده 80 سنة وحتة السن مش بتفرق المهم استمتع بالشخصية والدور والناس تحبه .

كما كشف هنيدي عن سبب رفضه تقديم فيلم مع عادل إمام وقال: بعد بخيت وعديله رفضت الدور مع عادل إمام والناس استغربت وقولته أنا مش حابب الدور قالي خلاص وانتهى الموضوع وعلاقتنا زي الفل وبنتكلم .

وأوضح هنيدي: عادل إمام حلمنا كلنا واستاذنا ورفضت الدور عشان كان صغير ومش هيعمل حاجة .