فيفي عبده لمنتقدي نشرها فيديوهات رقص: دول حاقدين عليا ومتغاظين مني

حرصت الفنانة فيفي عبده الرد على منتقديها من الجمهور لنشرها فيديوهات رقص لها عبر مواقع التواصل الاجتماعي موضحة أن الرقص هو بمثابة الأكسجين لها.

تحيا مصر يرصد لكم رد فيفي عبده على منتقدي نشرها فيديوهات الرقص

وقالت فيفي عبده خلال لقائها في برنامج إي تي بالعربي: لو عندي 90 سنة وقادرة أعمل اللي أنا بعمله هعمله ليه أقعد في البيت؟ .

وتابعت: ليه تمنع عني الأكسجين، أنا بحب الرقص جدا جدا أقلية الناس اللي بيقولوا الكلام ده حاقدين عليا ومتغاظين مني ، لكن الناس اللي بتحبني بيحبوني في كل حالاتي.

فيفي عبده: كله دلوقتي بيقلدني وبياخد جملي الشهيرة

وكشفت فيفي عبده أنها من اخترعت العديد من الجمل والكلمات التي يقوم الأشخاص بتقليدها وقالت: كله بيقلدني دلوقتي وعندي كلمات وجمل شهيرة ليا كله بياخدها مني.

تعرض فيفي عبده لأزمة صحية

وفي سياق متصل، كانت قد كشفت الفنانة فيفي عبده عن تفاصيل تعرضها لأزمة صحية خضعت على أثرها لعملية جراحية، مشيرًا إلى أنها محسودة وأحدهم صنع لها عمل من أعمال الدجل والشعوذة، وقالت فيفي عبده في لقاءها مع إي تي بالعربي: لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه.

تفاصيل أزمة فيفي عبده الصحية 

وتابعت: الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة،  ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس وما كنتش قادرة أطلع علشان اتكرم.

واستطردت: وأنا داخلة أعمل العملية قلت لربنا لو قمت كويسة لازم أروح حتى على كرسي، فجأة لقيت الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة، وأكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام.