ريم طارق تفجر مفاجأة عن حسن شاكوش: أتجوزني عشان يداري فضيحة وغنى في فرحي الأول

كشفت ريم طارق زوجة الفنان حسن شاكوش العديد من المفاجآت بشأن زوجها مطرب المهرجانات، ووجهت له العديد من الرسائل.

تحيا مصر يرصد لكم تصريحات ريم طارق

وقالت ريم طارق في لايف عبر حسابها بموقع تبادل الصور والفيديوهات انستجرام: بعد ما خدت تمكين أهل حسن شاكوش تعرضولي وقالولي هتقعدي لوحدك وهنوريكي وعملت محضر بالتهديدات دي.

وتابعت: روحت بيتي الأمن قالي مينفعش تدخلي وشاكوش كلم بتوع الأمن وقالهم خلوها تطلع على القسم وتشوف حل عشان هي ملهاش حاجة عندي.

ريم طارق: حسن شاكوش غنى في فرحي الأول

وكشفت ريم طارق أنها تزوجت من قبل لمدة عام وانفصلت عام 2022 وقام حسن شاكوش بالغناء في حفل زفافها السابق.

ووجهت عدة اسئلة لحسن شاكوش وقالت:  أنت قولت أنك بتحافظ على ولاد الناس طب ليه محتفظ بهدومي الشخصية عندك في البيت ومش عايز تدهوملي.

وأوضحت ريم طارق: لقب مرات حسن شاكوش بقى عبء عليا ووحش بالنسبالي، وأنا مليش في الشهرة وممكن اتصور وانزل ومش محتاجه انزل عشان مرات حسن .

ريم طارق: أنت متجوزني عشان تداري حاجة فيك

وتابعت: أنا مش واحدة من الناس اللي ضحكت عليهم واستخفيت بعقولهم عشان من ليهم ضهر، أنت متجوزني عشان تداري مشكلة فيك.. واعترفت بنفسك أن أي واحدة اتجوزتها لو عملت معاك مشكلة بتنزلها الشرطة في المكان اللي شغاله وتروح تطلعها عشان تبينلها انك الصدر الحنين.

واستكملت: شكرا لحسن شاكوش وطليقي السابق عشان اتهمتوني إني مريضة ده يثبت ان مفيش حد يتكلم عليا وكان عقلك يجيب إنك تقول دخلت لقيتها مع واحد وانت ممكن تعمل اي حاجة عشان تداري الحاجة اللي احنا عارفنها.

وأضافت: يا ابن الحلال دخلنا بالمعروف ونخرج بالنعروف اديني حاجتي مش الماديات حاجتي الشخصية اللي لامتها في شنط امبارح وتعرفني احنا اتطلقنا ولا عشان اعرف هكمل في قضية الضرر ولا.

ريم طارق: كل الناس اللي دوست عليهم بعتولي رسايل وفيديوهات ليك وممكن افضحك

وكشف ريم طارق:  كل الناس اللي دوست عليهم بعتولي رسايل وفيديوهات ليك وممكن افضحك، وأنا عملتلك كل حاجة وقالبت مجنون حاولت اعالجك وعمري ما كنت استوعب الغدر.