بعد خلافهم.. أول مواجهة بين عمرو مصطفى ورامي صبري والأخير: انت قللت مني قدام الناس

حدثت مواجهة بين الفنان رامي صبري والفنان عمرو مصطفى وذلك بعد حرب التصريحات التي حدثت بينهم خلال الأيام الأخيرة الماضية.

تحيا مصر يرصد لكم مواجهة عمرو مصطفى ورامي صبري

وحل عمرو مصطفى ضيفًا على برنامج أجمد 7 الساعة 7 وتحدث عن خلافه مع رامي صبري وفاجئ الجمهور أنه يبادر بالصلح مع رامي صبري، وأنه هيتنازل عن أغنية رقصة لـ رامي صبري ولم يقوم برفع قضية.

وتفاجئ عمرو مصطفى بإتصال هاتفي من رامي صبري على الهواء مباشرة لتحدث مواجهة بيمهم للمرة الأولى، حيث قال رامي صبري لـ عمرو مصطفى: عشان ولادك وولادي أنا أسف لو خاني التعبير بس الكلام اللي قولته عليا كان صعب.

رامي صبري لـ عمرو مصطفى: المفروض تكلمني على الواتساب مش تقلل مني على التليفزيون

وتابع:  الطريقة بتاعت الاختلاف غلط ومراتك تعرف مراتي وعيالك يعرفوا عيالي ودخلت بيتي المفروض يبقى نتكلم مع بعض على واتساب مش على التليفزيون وأنا عمري ما أعمل كده.

وأضاف: أنا أضايقت من طريقتك ولما حد من زمايلي يقلل مني اكيد هضايق ومش هحب إني اطلع اتكلم عن حد مهم زيك والناس لازم تحبني وتقدرني ولازم قدام الوسط الفني كله حتى لو عندنا خلاف نبقى معلمين للجيل الجديد.

وتابع: الجمل متشابهة من أيام محمد عبد الوهاب وأنا أول واحد باركتلك على أغنية رقصة، وأنا اللي بيضايقني فكرة العشرة.

رامي صبري لـ عمرو مصطفى: انت فنان كبير وتشرف أي حد

واستكمل: أنت عارفني من زمان وأنا راجل ولا بتاع مشاكل ولا أي حاجة  وعشان نخلص الموضوع الصغير ده انت تشرف أي حد وأنت ملحن عظيم كبير ونجم في المزيكا وكلنا فنانين في مصر بنفتخر أنك موجود في مصر.

واسطرد: ممكن ابعتلك تصريح ليا مع محمد رحيم طلع وقال أن الاغنية دي شبه ايه وأنا طلعت هاجمته لأن ضايقني فكرة ان بتهاجم نجاح وأنا اختلفت معاه عشان خاطرك.

رامي صبري لـ عمرو مصطفى: أنا اللي بدافع عنك من زمان

وقال: من زمان بدافع عنك واقولهم ده أطيب واحد وأحسن واحد في العالم وفاهمين غلط ولغاية ما عملت الشكوى قولت اكيد عمرو مش هو اللي عامل كده، ولازم تعترف قدام الناس كلها أن رامي صبري اللي دايما بيسندك قدام العالم كلها.

واختتم: من زمان وأنا بدافع عنك وبقول أنك أحسن واحد في العالم والناس اللي فاهمينك غلط، وكله كلام صغير احنا مش بتوعه وانت اخويا ومش عندي مشكلة معاك.

ليرد عليه عمرو مصطفى قائلًا: أنت أخويا ومفيش أي مشاكل بينا ومتخليش حد يفرح فينا ويشتموت فينا واللجان هتتبسط فيا.

ليرد عليه رامي صبري قائلًا: : نفسي تسيب اللجان وتبطل تركز مع الناس وترجع تشتغل تاني.