رامي صبري يُحيي ذكرى وفاة شقيقه: قلبي مكسور من وقتها وحياتي اتغيرت

أحيا الفنان رامي صبري ذكرى وفاة شقيقه كريم التي تحل في مثل هذا  اليوم 11 يوليو، كما وجه له رامي بعض الرسائل المؤثرة.

تحيا مصر يرصد لكم إحياء رامي صبري ذكرى وفاة شقيقه

ونشر ررامي صبري صورة تجمعه بشقيقه عبر حسابه بموقع تبادل الصور والفيديوهات انستجرام وعلق عليها: يوم 11-7-2021 يوم الصدمة يوم ما توفي اخويا وابني وحبيبي كريم .

رامي صبري في ذكرى وفاة شقيقه: صعب أوي فراق الأخ

وتابع: والله قلبي مكسور من وقتها واتغيرت وحياتي اتغيرت كتير أوي، صعب أوي فراق الأخ بس القدر اقوى وربنا عايز كده.

وطلب رامي صبري من الجمهور الدعاء لشقيقه بالرحمة والمغفرة وقال: ربنا يرحمك يا كريم يا حبيبي واشوفك على خير.. لو سمحت ادعوله دعوه حلوه من قلبكم علشان انهارده يوم وفاته.

رد رامي صبري على عمرو مصطفى

ومن جانب آخر، كان قد حل الفنان رامي صبري ضيفًا على برنامج أجمد 7 الساعة 7 والذي تقدمه الإعلامية "جيهان عبد الله" عبر قناة "نجوم إف إم" وتحدث رامي صبري خلال الحلقة عن كواليس أغنية يمكن خير، كما رد على اتهامات عمرو مصطفى له بسرقة لحن أغنيته رقصة، وقال: أنا عامل أغنية يمكن خير في سنة 2013 بعد الثورة، وهي لحد من أسبوعين كانت رقم 1 قعدت 4 شهور رقم واحد ، ومش رامي صبري اللي يسرق لحن ولو هو يعرفني كويس مش هيتهمني الاتهام ده وممكن يكون فيه توارد أفكار وفيه 10 ألحان ممكن يكون فيهم جملة شبه التانية.

رامي صبري: أنا موسيقار زي عمر خيرت وياسر عبد الرحمن

وتابع: ملحن كبير زي عمرو مصطفى مينفعش يطلع يقول على فنان وملحن مش صغير ومطرب مش صغير أنه سارق أنا مكانتي مش صغيرة في الوسط، وعمرو خريج كلية حقوق، وأنا خريج معهد موسيقى عربية قسم تأليف موسيقى يعني زي عمر خيرت، يعني لما تيجي تتكلم عن متخصص وانت خريج حقوق يعني لازم تعرف انت بتتكلم عن مين.

وأستكمل: أنا موسيقار زي عمر خيرت وياسر عبد الرحمن، والأستاذ لما يكلم الطالب مش هنتساوى، ولو أنا عندي مشاكل نفسية مش هخليه يشتغل بالقانون.