عمرو محمود ياسين يرد على تصريحات برنسة عبد الغني: جبتي منين حكاية إني ضيعت ملخص حياتك؟

نفى المؤلف والكاتب عمرو محمود ياسين تصريحات الفنانة برنسة عبد الغني بشأن ضياع مخلص حياتها التي اعطته له، كما وجه لها اعتذار رسمي.

تحيا مصر يرصد لكم رد عمرو محمود ياسين على تصريحان برنسة عبد الغني

وكتب عمرو محمود ياسين عبر حسابه بموقع التواصل الاجتماعي فيسبوك: يا استاذه برنسه تحياتي ليكي أولًا.. ثانياً   حضرتك كنتي قابلتيني و احنا بنصور مسلسل و نحب تاني  ليه  على ما أتذكر ولاقيتك من تلقاء نفسك جايبالي ملخص  وقولتلي  اقراه  عشان عايزة إني اعمله مسلسل.

وتابع:  وقتها كنا لسه بنصور  و ما قدرتش اقراه وقتها وقريته بعد  كده لما  اتصلتي  بيا فكرتيني به  بعد فترة طويلة، وقتها أنا قريته  وللأسف  مالقتش  فكرة مناسبة   له.

عمرو محمود ياسين لـ برنسة عبد الغني: مش عارف جبتي منين حكاية  إني أنا ضيعت ملخص حياتك

وأضاف: وحضرتك ماكلمتينيش تاني وأنا ماتصلتش برضه  وده تقصير مني بعتذر عنه لكن  مش عارف جبتي منين حكاية  إني أنا ضيعته ؟؟  مش عارف جبتي الفكره دي منين ؟ الملخص بتاعك في الحفظ والصون  زي ما هو  وتقدري تاخديه  وقت ماتحبي  وربنا يكرمك.

تصريحات برنسة عبد الغني

وكانت قد حلت برنسة عبد الغني ضيفة على برنامج المنسي مع الإعلامية إنجي هشام ويعرض عبر قناة هي، وكشفت بعض الأسرار عن حياتها وقالت: كنت عايزة  قصة حياتي تتعمل في عمل فني وكتبت خمس صفحات واديتهم للمؤلف عمرو محمود ياسين على أساس هو يكمل لاني كتبت ملخص خدها ضيعها وقالي كده لما كلمته ولو هعمل قصة حياتي هختار مريم نعوم.

كما كشفت الفنانة  برنسة عبد الغني  عن حبها للنجم ياسر جلال قائلة: بحب ياسر جلال فنيا وإنسانيا لأنه بيساعدني ومسلسله السنادي كان جميل أوي.

برنسة عبد الغني: الوسط الفني اتغير وبقى شللية وعزايم وجمايل

وتابعت: الدنيا اتغيرت والوسط اتغير بقت شللية وعزايم وجمايل وسهرات مين ليه في الحاجات دي؟ اللي ليه مبيشتغلش واللي ملوش بيقعد أنا بقالي سنه مشتغلتش، وفي أفلام شغالة في السوق محدش طلبني وبتصل بالمكاتب بيقولولي أن شاء الله يا حجه وفي ريجسير بصعب عليه وريجسير مبيشغلنيش.