لو الراجل اتجوز على مراته يبقى الغلط عندها وشغلانة الفن شقى وممرضة.. تصريحات مثيرة للجدل من وفاء عامر

حلت الفنانة وفاء عامر ضيفة على برنامج الستات الذي يعرض عبر قناة سي بي سي، وكشفت عامر بعض الأسرار عن حياتها وطريقة تعاملها مع زوجها، كما تحدثت عن الصعوبات التي تواجهها في مهنة التمثيل.

تحيا مصر يرصد لكم تصريحات وفاء عامر

ونستعرض لكم أبرز تصريحات الفنانة وفاء عامر في برنامج الستات

• في الأول كنت بغير على جوزي جدًا وهو واثق فيا ومش بيغير.
• أنا بعمل كل حاجة لجوزي واتعلمت علشانه الطاولة والدومينو.
• لو الراجل بص بره أو اتجوز على مراته يبقى الغلط عندها، وصعب راجل يتجوزني ويبص بره.
• أنا أبان أني طيبة لكن أنا قوية وما بنكسرش غير لربنا لأني واثقة في نفسي وفي ربي قبل نفسي.
• احنا بنشقى في شغلانة الفن والناس في الشتا بتكون متغطية واحنا تحت المطر ولابسين خفيف عشان المشهد عايز كده.
• التمثيل ممرض ومتعب وبيهد الحيل، ولو الواحد بيروح لدكتور نفساني علشان موضوع مضايقه المفروض نروح كممثلين كل ربع ساعة لدكتور.
• الجمهور ساعات بيكون قاسي وأنا بحب الشغلانة دي وبحترمها فكونوا رفقاء بينا.
• الأقرب لوفاء شخصية هلالة في جزيرة غمام هي المرأة القوية التي لا يقهرها كلمة من أحد دوني.
• قلة قليلة غير مسؤولة بتأذي الفنان نفسيًا علشان تهده في معنوياته.
• البهدلة والمرمطة والشقى والتعب بيعملوا بني آدم، لكن في ناس عاوزة تبدأ من حيث انتهى الآخرين.

تصريحات وفاء عامر في برنامج كلام الناس

وسبق وتحدثت الفنانة وفاء عامر عن نجلها وعلاقتها به وذلك خلال استضافتها في برنامج كلام الناس التي تقدمه الإعلامية ياسمين عز والذي يعرض عبر قناة إم بي سي مصر.

وفاء عامر: معنديش مشكلة مرات ابني تقعد معايا في نفس البيت

وقالت وفاء عامر: الست هي الجانب الأضعف وهي هتبقى أقل وساعات بتبقى كبيرة وأكبر من الرجالة وأتمنى أن ابني يسعد مراته، وأنا هبقى في صف مرات ابني ومش هبقى حما صعبة، معنديش مشكلة مرات ابني تقعد معايا في البيت ده يوم الهنا انا هريحها خالص وهدلعها وهتأكل أحلى أكل وتعيش في هنا.