تحذيرات من خطورة المضاد الحيوى والمسكنات

حذرت الدكتورة أماني الشريف، الأستاذ بكلية الصيدلة بجامعة الأزهر، من استخدام المضادات الحيوية مع دور البرد، لافتة إلى أن أغلب أدوار البرد تكون فيروسية، وبالتالى لن تجدى معها المضادات الحيوية.  

تحذيرات من خطورة المضاد الحيوى والمسكنات

وتابعت خلال حوارها مع الإعلامية سالى سالم ببرنامج "البيت"، المذاع على قناة "الناس"، اليوم الأحد: "فى كل دول العالم مفيش أى دواء يستخدم إلا بروشتة، لكن هنا عندنا فى مصر كل حاجة بتتصرف بدون روشتة طبيب، وده له أضرار صحية واقتصادية واجتماعية كبيرة، لما يجى لنا دور برد لازم نشتغل على الجهاز المناعى ونعلى المناعة عشان تهاجم الفيروس".

واستكملت: "من أشهر العادات السيئة فى استخدام المضاد الحيوى، إن الناس بتوقف تناول المضاد الحيوى فور اختفاء الأعراض، وهذا أمر خطير، فاللى بيحصل إن البكتريا مستواها قل شوية، وبعد كده تتكاثر وتفك شفرة المضاد الحيوى، ولا يؤثر فيها المضاد الحيوى وتحول المريض بؤرة لنقل البكتريا المقاومة للمضادات الحيوية".

طبيبة تحذر من تناول المسكنات دون علاج المرض

كما حذرت الدكتورة أماني الشريف، الأستاذ بكلية الصيدلة بجامعة الأزهر، من تناول أدوية المسكنات دون استشارة الطبيب، لافتة إلى أن الإفراط فى تناول المسكنات يتحول إلى سموم، ويسبب أضرار بالغة إلى الكلى. 

وتابعت: "معظم المسكنات يتم الجسم منها عن طريق الكلى، وبالتالى الإفراط فى تناولها يقضى على خلايا الكلى، لازم نخلى بالنا إننا بنأخد مسكن عشان الألم يخف، طيب عندى صداع لازم أعرف سببه إيه وأعالجه، بلاش مسكنات بدون الرجوع للطبيب".

وزير الصحة يتفقد المركز الأفريقي لصحة المرأة بالإسكندرية ويوجه بتشكيل لجنة لمتابعة أعمال التطوير

واستكملت: "كل ما بتأخد مسكنات وازدياد المشكلة الصحية، هتلاقى نفسك المسكنات مش مأثرة ولا تقضى على الصداع، لأن الجسم عمال يزود التنبيه اللى بيعمله، عشان الإنسان يحس بالوجع اللى فيه، وبالتالى ينتبه الشخص لهذه المشكلة ويعالجها".