عمرو مصطفى: هقاضي مطربي المهرجانات عشان سرقوا ألحاني وياريت المنتجين يبعدوا عن الفن ويتاجروا في أي حاجة

تحدث الفنان عمرو مصطفى عن هجوم المنتج محسن جابر عليه، كما طالب من المنتجين الابتعاد عن الفن، وتطرق بالحديث عن سرقة مطربي المهرجانات لألحانه.

تحيا مصر يرصد لكم تصريحات عمرو مصطفى 

عمرو مصطفى: أغنية افتركلك إيه اتسربت بطريقة غير قانونية

وقال عمرو مصطفى خلال استضافته في برنامج حبر سري التي تقدمه الإعلامية أسما إبراهيم ويعرض عبر قناة القاهرة والناس:  أغنية افتكرلك ايه جديدة وكانت مع شيرين عبد الوهاب وكان مشروع هيتعمل وفؤجت أن هي اتسربت بتوزيع مخلصش وبشكل غير قانوني.

وتابع: أنا حفاظًا على الظروف اللي بتمر بيها شيرين سكت ونفذت الأغنية بطريقتي وتغاضيت الموضوع عشان شيرين ولو عايز اشيلها هشيلها وهي ملقتش رواج عشان منزلتش على صفحة رئيسية .

وأضاف: المطرب منزلهاش ولا أعلن عنها يبقى ازاي قديمة ومحسن جابر حب يوحي للناس أن هي نزلت ومعملتش حاجة، وشيرين مقالتش أن دي أغنيتي وهي احترمتني وأنا احترمتها واللي حصل أذاني خلى ناس كتير تتكلم بطريقة غير لائقة.

عمرو مصطفى: ياريت المنتجين يبعدوا عن الفن ويتاجروا في أي حاجة تانية

كما وجه عمرو مصطفى حديثه عن محسن جابر قائلًا: أنا بحترم فرق السن بس بتأذي معنويًا وهو بيقول إني ابنه طيب ليه بتحارب ابنك ومش بتدعمه.

واستكمل عمرو مصطفى:  أنا مش ضد المنتجين بس بقولهم ابعدوا عن الفن وتاجروا في أي حاجة تانية.

وكشف: في أمثلة من أسر كتيرة موجودة في جمعية المؤلفين والملحنين يقعدوا ويشوفوا المنتجين دول وفي ناس كتير حقها مهدور من المطربين اللي توفوا وأنا عايز أجيب حقهم.

عمرو مصطفى: هرفع قضايا على مطربي المهرجانات اللي سرقوا ألحاني

كما تحدث عمرو مصطفى عن سرقة مطربي المهرجانات لأحانه موضحًا أنه سيقوم برفع قضايا عليهم خلال الفترة المقبلة وقال:مطربي المهرجانات سرقوا ألحاني وهرفع عليهم كلهم قضايا وهاخد تعويض مادي وهتبرع بيه

وكشف عمرو مصطفى: مش هوافق ألحن لمطربي المهرجانات لأننا عايزين نطلع أصوات مطربين من الأوبرا المصرية.

وأوضح عمرو مصطفى: عايز اعتذر لنفسي عشان سبت الناس تسرقني الفترة دي والمطربين ياخدوا الأغاني بتاعتي ويكتبوا اساميهم عليها.