سارة نخلة: التنافس في الايرادات مش مقياس.. وافلام يوسف شاهين مكنتش بتجيب إيرادات

علقت الفنانة ومقدمة البرامج سارة نخلة على أفلام موسم عيد الأضحى لعام ٢٠٢٣ خلال برنامجها "فيس أوف" الذي يعرض على شاشة قناة هي، مشيرة إلى أن الايرادات ليست مقياس لنجاح الأعمال الفنية.

تحيا مصر يرصد في ذلك التقرير تعليق سارة نخلة على أفلام عيد الأضحى 

سارة نخلة: المنتجين بيشوفوا الإيرادات مقياس للنجاح ودي حاجة غريبة

عبرت سارة نخلة عن اعجابها بالتنافس بين أفلام العيد الأربعة من المنظور الفني، واستنكرت ظاهرة حرب الايرادات بين منتجين الافلام والأعمال الفنية قائلة: "فى حاجة غريبة بتحصل مع كل فيلم، بيبقى في تنافس بين المنتجين في الايرادات، وبعض المنتجين بيشوفوها مقياس للنجاح، كل منتج بيقيم فيلمه على أنه نامبر وان وأعلى ايرادات، يا جماعة مين الأول ومين التانى؟!"

سارة نخلة: الايرادات مش مقياس لنجاح الفيلم 

وتابعت: " الايرادات مش مقياس لنجاح الفيلم، زمان فيه منتجة اسمها آسيا داغر وعملت افلام كتير اوي، وفى فيلم الناصر صلاح الدين ساعتها حطت فيه ميزانية كبيرة اوي وكان من إخراج الراحل يوسف شاهين ولكن الفيلم ده محققش ايرادات واتشال من السينما ولكن دلوقتي هو من أهم ١٠٠ فيلم فى تاريخ السينما المصرية أو السينما ككل، الفيلم ماجبش زي ما اتصرف عليه ولكن فضل رمز وعاش سنين وسنين".

سارة نخلة وتعليقها على حلا شيحة

وسبق وأثارت سارة نخلة الجدل بتعليقها على عودة حلا شيحة للتمثيل مرة أخرى، فقالت: الناس مش عايزين حلا شيحة ترجع عشان فقدت مصداقيتها، السيناريست هيخاف يجي يديكي سيناريو تقوليله تاني يوم لا خلاص أنا اتحجبت، أنا كان عندي مشاكل نفسية ولجأت لدكتور لعلاج نفسي ودة مش عيب واحنا في المجتمعات العربية عشان مش متقبلين دة بنقول عليه لايف كوتش ولكن ده علم، بنصح حلا شيحة أنها تروح لدكتور نفسي، حلا محتاجة تقعد مع نفسها سنة أو سنتين تلاتة على الاقل وتفكر هي عايزة ايه.